മസ്‌കത്ത്: സീബ് ഇന്ത്യന്‍ സ്‌കൂളില്‍ ‘സര്‍ഗോത്സവ് 2018’ കലോത്സവം സംഘടിപ്പിച്ചു. എസ്.എം.സി ഐ.ടി ചെയര്‍പേഴ്‌സന്‍ ബല്‍ജേന്ദ്ര സിങ് ഉദ്ഘാടനം ചെയ്തു. പ്രൈമറി വിഭാഗം വിദ്യാര്‍ത്ഥകള്‍ക്കായി തയാറാക്കിയ സംഗീത പുസ്തകം ഉദ്ഘാടനച്ചടങ്ങിൽ പ്രകാശനം ചെയ്തു. എസ്.എം.സി പര്‍ച്ചേഴ്‌സ് ചെയര്‍പേഴ്‌സന്‍ ഉമര്‍ അബ്ദുല്ല, സ്‌കൂള്‍ പ്രിന്‍സിപ്പല്‍ ലീന ഫ്രാന്‍സിസ് എന്നിവര്‍ പുസ്തകം ഏറ്റുവാങ്ങി. അഞ്ചു ദിവസങ്ങളിലായി 68 ഇനങ്ങളിലാണ് മത്സരങ്ങൾ നടന്നത്. ആയിരത്തോളം കുട്ടികള്‍ പങ്കെടുത്തു. പരിചയ സമ്പന്നരായ വിധികര്‍ത്താക്കള്‍ മൂല്യനിര്‍ണയം നടത്തി. സമാപന ചടങ്ങില്‍ സ്‌കൂള്‍ മാനേജ്‌മെൻറ് കമ്മിറ്റി പ്രസിഡൻറ് എ.കെ. മൊയ്തു, കണ്‍വീനര്‍ അഹ്‌സാന്‍ ജലാൽ, പ്രിന്‍സിപ്പല്‍ ലീന ഫ്രാന്‍സിസ് എന്നിവര്‍ വിജയികള്‍ക്ക് സമ്മാനങ്ങൾ നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.