തി​രി​ച്ച​റി​വി​ന്റെ പു​ണ്യ​കാ​ലം

മ​നു​ഷ്യ​ൻ എ​ന്താ​ണ് ? ഭൗ​തി​ക ആ​വ​ശ്യ പൂ​ർ​ത്തീ​ക​ര​ണ​ത്തി​ന് വേ​ണ്ടി മാ​ത്ര​മു​ള്ള ശ​രീ​ര​മോ ? അ​തോ അ​നു​ഭ​വ​ങ്ങ​ളു​ടെ ആ​കെ​ത്തു​ക​യാ​യ ചി​ന്ത​ക​ളി​ൽ നി​ന്നും രൂ​പ​പ്പെ​ട്ട മ​ന​സ്സി​ന്റെ തോ​ന്ന​ലു​ക​ളോ? ജ​നി​ക്കു​മ്പോ​ൾ ന​മ്മ​ൾ​ക്ക് ഇ​ത്ത​രം ചി​ന്ത​ക​ളും, മു​ൻ​വി​ധി​ക​ൾ ഒ​ന്നു​മി​ല്ലാ​യി​രു​ന്നു പ​ക്ഷേ വ​ള​ർ​ന്ന് വ​രു​മ്പോ​ൾ സ​മൂ​ഹം ന​മു​ക്ക് ഓ​രോ​രോ ലെ​ൻ​സു​ക​ൾ സ​മ്മാ​നി​ക്കു​ന്നു. ഈ ​സോ​ഷ്യ​ൽ കണ്ടീ​ഷ​നി​ങ്ങിന്റെ ഭാ​ഗ​മാ​യി ന​മ്മ​ൾ രൂ​പ​പ്പെ​ട്ട് വ​രു​മ്പോ​ൾ സം​ഭ​വി​ക്കു​ന്ന​ത് ന​മ്മ​ൾ പ​ല​പ്പോ​ഴും കാ​ണു​ന്ന​തും, മ​ന​സ്സി​ലാ​ക്കു​ന്ന​തു​മാ​യ യാ​ഥാ​ർ​ഥ്യ​ങ്ങ​ള​ല്ല മ​റി​ച്ചു ന​മ്മു​ടെ നേ​ർ കാ​ഴ്ച്ച​ക്ക് മു​ക​ളി​ലു​ള്ള ലെ​ൻ​സി​ലൂ​ടെ, അ​തി​ന്റെ ആം​ഗി​ളി​ലൂ​ടെ നാം ​കാ​ണേ​ണ്ടി വ​രു​ന്നു. അ​പ്പോ​ൾ കാ​ണു​ന്ന​തോ യാ​താ​ർ​ഥ്യ​ത്തി​ന്റെ വെ​റും പ​തി​പ്പു​ക​ൾ മാ​ത്ര​മാ​ണ്.

റ​മ​ദാ​ൻ, എ​ന്നെ സം​ബ​ന്ധി​ച്ചി​ട​ത്തോ​ളം ഈ ​സ്ഥാ​പി​ക്ക​പ്പെ​ട്ട കാ​ഴ്ച​പ്പാ​ടു​ക​ൾ​ക്ക​പ്പു​റ​ത്തേ​ക്കു​ള്ള ഒ​രു ചു​വ​ടു വെ​പ്പെ​ന്ന നി​ല​ക്കാ​ണ്. എ​ന്നി​ലേ​ക്ക് ത​ന്നെ​യു​ള്ള ആ​ത്മ​നി​ഷ്ഠ​മാ​യ ഒ​രു യാ​ത്ര. ഒ​പ്പ​മു​ള​ള കൂ​ട്ടു​കാ​ര​ൻ അ​ന്ന​പാ​നീ​യ​ങ്ങ​ൾ ഉ​പേ​ക്ഷി​ച്ചു നോ​മ്പ് നോ​ൽ​ക്കു​മ്പോ​ൾ ഞാ​ൻ ക​ഴി​ക്കു​ന്ന​ത് ശ​രി​യ​ല്ല​ല്ലോ എ​ന്ന ചി​ന്ത​യി​ൽ തു​ട​ങ്ങി​യ​താ​​െണ​ന്റെ ആ​ദ്യ നോ​മ്പ്. ഇ​പ്പോ​ൾ കു​റ​ച്ചു വ​ർ​ഷ​ങ്ങ​ളാ​യി കു​ടു​ബ​ത്തോ​ടൊ​പ്പം നോ​മ്പി​ന്റെ ചൈ​ത​ന്യം ഞാ​ൻ അ​നു​ഭ​വി​ക്കു​ന്നു. ഈ ​കാ​ല​ഘ​ട്ട​ത്തി​ൽ ഭൗ​തി​ക​മാ​യ അ​റി​വു​ക​ളും ത​ത്ത്വങ്ങ​ളു​മെ​ങ്ങും നി​റ​ഞ്ഞു നി​ൽ​ക്കു​ന്ന ഇ​ൻ​ഫ​ർ​മേ​ഷ​ൻ ഓ​വ​ർ ലോ​ഡി​ന്റെ ചു​റ്റു​വ​ട്ട​ത്ത് നി​ന്നൊ​ന്ന് സ്ലോ ​ഡൗ​ൺ ചെ​യ്യാ​നും, ന​മ്മു​ടെ അ​സ്തി​ത്വ​ത്തി​ന്റെ പ​രി​ശു​ദ്ധി​യി​ലേ​ക്ക് അ​ടു​ക്കാ​നു​മു​ള്ള സ​മ​യ​മാ​യി​ട്ടാ​ണ് വ്ര​ത​ത്തെ ഞാ​ൻ നോ​ക്കിക്കാ​ണു​ന്ന​ത്. അ​വ​ന​വ​നി​ലേ​ക്കു​ള്ള പ​വി​ത്ര​മാ​യൊ​രു പ്ര​യാ​ണം.

നി​ശ്ശ​ബ്ദ​ത​യി​ൽ ജ്ഞാ​ന​മു​ണ്ടെ​ന്നും, ബാ​ഹ്യ​മാ​യ ബ​ഹ​ള​ങ്ങ​ളി​ൽനി​ന്ന് മാ​റി നി​ൽ​ക്കു​മ്പോ​ൾ ശ​രി​യെ​ന്നു ക​രു​തി​യ പ​ല വീ​ക്ഷ​ണ​ങ്ങ​ളും ഓ​ഡി​റ്റ് ചെ​യ്യു​വാ​ൻ ന​മ്മ​ൾ ധ​രി​ച്ചി​രി​ക്കു​ന്ന മു​മ്പ് സൂ​ചി​പ്പി​ച്ച ലെ​ൻ​സു​ക​ൾ ഓ​രോ​ന്നാ​യി ഊ​രി വെ​ക്കേ​ണ്ടി വ​രും. അ​പ്പോ​ൾ മ​ന​സ്സി​ലാ​വും ഇ​ക്കാ​ണു​ന്ന മ​നു​ഷ്യ​ജീ​വി​തം എ​ല്ലാം ഒ​ന്നുത​ന്നെ. നാം ​മ​നു​ഷ്യ​ർ നാം ​ഒ​ന്ന്. പ​ല​രും പ​ല​താ​യി വ്യ​വ​ഹ​രി​ക്കു​ന്നു​വെ​ന്ന് മാ​ത്രം. ഈ ​ചി​ന്ത ര​മ​ണ മ​ഹ​ർ​ഷി​യു​ടെ വാ​ക്കു​ക​ളി​ൽ ആ​ഴ​ത്തി​ൽ പ്ര​തി​ധ്വ​നി​ക്കു​ന്നു​ണ്ട്. ഒ​രാ​ൾ മ​റ്റു​ള്ള​വ​രോ​ട് എ​ങ്ങ​നെ പെ​രു​മാ​റ​ണ​മെ​ന്ന് ചോ​ദി​ച്ച​പ്പോ​ൾ, “മ​റ്റു​ള്ള​വ​ർ ആ​രാ​ണ്?” എ​ന്ന് അ​ദ്ദേ​ഹം പ്ര​തി​ക​രി​ച്ചു. നോ​മ്പു​കാ​ല​ത്ത് ഈ ​തി​രി​ച്ച​റി​വ് ന​മ്മു​ടെ ഉ​ള്ളി​ൽ വേ​രൂ​ന്നു​ക​യാ​ണ്. ന​മ്മെ വേ​ർ​തി​രി​ക്കു​ന്ന അ​തി​രു​ക​ൾ ന​മ്മു​ടെ ഐ​ഡ​ന്റി​റ്റി​ക​ൾ, ന​മ്മു​ടെ വി​ഭ​ജ​ന​ങ്ങ​ൾ, ന​മ്മു​ടെ മു​ൻ​വി​ധി​ക​ൾ എ​ല്ലാം മ​ങ്ങാ​ൻ തു​ട​ങ്ങു​ന്നു.

മാ​ന​വി​ക​ത​യു​ടെ വി​ഹാ​യ​സ്സിലേ​ക്കു​യ​രാ​ൻ.. സ്നേ​ഹ​ത്തി​ന്റെ പു​തി​യ ച​ക്ര​വാ​ള​ങ്ങ​ൾ തീ​ർ​ക്കാ​ൻ റ​മ​ദാ​ൻ പ്രേ​ര​ക​മാ​കു​ന്നു.

മ​നു​ഷ്യ​രെ​ന്ന നി​ല​യി​ൽ, ന​മു​ക്ക് ഒ​രു അ​പൂ​ർ​വ ശ​ക്തി സൃ​ഷ്ടാ​വ് ന​ൽ​കി​യി​ട്ടു​ണ്ട്. മ​റ്റു​ള്ള ജീ​വ​ജാ​ല​ങ്ങ​ൾ സ​ഹ​ജ​വാ​സ​ന​യി​ൽ​നി​ന്ന് മാ​ത്രം പ്ര​വ​ർ​ത്തി​ക്കേ​ണ്ടി വ​രു​മ്പോ​ൾ, ഹോ​മോ​സാ​പി​യ​ൻ​സി​ന് സ്വ​പ്നം കാ​ണാ​നും സ​ഹാ​നു​ഭൂ​തി കാ​ണി​ക്കാ​നും ചു​റ്റു​മു​ള്ള ലോ​ക​ത്തെ രൂ​പ​പ്പെ​ടു​ത്താ​നു​മു​ള്ള പ്ര​ത്യേ​ക ക​ഴി​വു​ണ്ട്.

ജീ​വി​ത​ത്തി​ൽ പ​ല​പ്പോ​ഴാ​യി ന​മ്മി​ൽ വ​ന്നുചേ​രു​ന്ന മി​ഥ്യാ​ധാ​ര​ണ​ക​ളി​ൽ നി​ന്നും, തി​ന്മ​ക​ളി​ൽ നി​ന്നും വേ​ർ​പെ​ടാ​നും, ഒ​രി​ക്ക​ൽ നാം ​അ​റി​ഞ്ഞി​രു​ന്ന പ​രി​ശു​ദ്ധി​യു​ടെ അ​വ​സ്ഥ​യി​ലേ​ക്ക് മ​ന​സ്സി​നെ തി​രി​ച്ചു ന​ട​ത്താ​നും, സ്വ​ന്തം അ​സ്തി​ത്വ​മെ​ന്ന ല​ളി​ത​വും, അ​ഗാ​ധ​വു​മാ​യ സ​ത്യ​ത്തെ ഉ​ൾ​ക്കൊ​ള്ളാ​നും ന​ന്മ​നി​റ​ഞ്ഞ റ​മ​ദാ​ൻ നാ​ളു​ക​ൾ ന​മു​ക്ക് തി​രി​ച്ച​റി​വ് ന​ൽ​കു​ന്ന​താ​ക​ട്ടെ.