മസ്കത്ത്: മുഹമ്മദ് നബിയുടെ ജന്മദിനത്തോടനുബന്ധിച്ച് രിസാല സ്റ്റഡി സർക്കിൾ (ആർ.എസ്.സി) ഈജിപ്തിൽ അന്താരാഷ്ട്ര മീലാദ് കോൺക്ലേവ് സംഘടിപ്പിക്കുന്നു. ഞായറാഴ്ച രാവിലെ ആരംഭിക്കുന്ന സയ്യിദുൽ ബഷർ കോൺക്ലേവിൽ ലോകത്തിന്റെ വിവിധ ഭാഗങ്ങളിൽ നിന്നുള്ള പണ്ഡിതരും വിദ്യാർഥികളും പങ്കെടുക്കും. ‘മുഹമ്മദ് നബിയെ കുറിച്ചുള്ള എഴുത്തുകളിലെ വൈവിധ്യം’ എന്ന വിഷയത്തിൽ അക്കാദമിക് സെമിനാർ, വിവിധ ഭാഷകളിലും പാരമ്പര്യങ്ങളിലും അധിഷ്ഠിതമായ നബി കീർത്തനങ്ങൾ സീറ-മൗലിദ് പാരമ്പര്യത്തിന് വ്യത്യസ്ത രാജ്യങ്ങൾ അർപ്പിച്ച സംഭാവനകളെ സംബന്ധിച്ച് വിദ്യാർഥി പ്രതിനിധികൾ സംസാരിക്കുന്ന സ്റ്റുഡന്റ്സ് കമ്മ്യൂൺ, ക്ലോസിങ് സെറിമണി എന്നിവ നടക്കും.
ഡോ. ഇബ്റാഹിം നജ്ം, ഡോ. അഹമദ് മംദൂഹ്, ഡോ. ജമാൽ ഫാറൂഖ്, ഡോ.സയ്യിദ് ബലാത്, പ്രഫ. ജമാൽ ഫാറൂഖ് ദഖാഖ്, പ്രഫ. സുബ്ഹി അബ്ദുൽ ഫത്താഹ് റാബി, ശൈഖ് അഹ്മദ് ഹുസൈൻ അൽ അസ്ഹരി, പ്രഫ. ഖാലിദ് ശാകിർ അതിയാഹ് സുലൈമാൻ, ഡോ. മുഹമ്മദ് ഫാറൂഖ് നഈമി അൽ ബുഖാരി, ഡോ. അബ്ദുൽ ഹകീം അലി അൽ അസ്ഹരി തുടങ്ങിയ പണ്ഡിതരും പ്രമുഖ വ്യക്തിത്വങ്ങളും പങ്കെടുക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.