നന്മ നിറഞ്ഞൊരു നോമ്പുകാലം

നോ​മ്പു​കാ​ലം എ​ന്ന​ത് കു​ട്ടി​ക്കാ​ല​ത്ത് നി​റ​യെ കൈയിൽ കി​ട്ടു​ന്ന പൊ​രി​ക്ക​ടി​ക​ളു​ടെ​യും അ​രി​ക​ടു​ക്ക​യു​ടെ​യു​മാ​ണ്. സ്കൂ​ളി​ൽ നി​ന്നും വീ​ട്ടി​ലെ​ത്തി​യാ​ൽ വൈ​കു​ന്നേ​രം അ​മ്മ വ​രു​ന്ന​തു​വ​രെ ഒ​രു കാ​ത്തി​രി​പ്പാ​യി​രു​ന്നു. അ​ന്ന് അ​മ്മ ജോ​ലി ചെ​യ്യു​ന്ന​ത് ഷെ​രീ​ഫി​ക്ക​യു​ടെ സ്റ്റി​ച്ചി​ങ് യൂ​നി​റ്റി​ലാ​യി​രു​ന്നു. അ​വ​രു​ടെ വീ​ടും യൂ​നി​റ്റി​മെ​ല്ലാം ഒ​രു​മി​ച്ച​യാ​യി​രു​ന്ന​ത് എ​നി​ക്ക് കി​ട്ടി​യ വ​ലി​യ ബോ​ണ​സാ​ണ്. അ​വി​ട​ത്തെ സ്നേ​ഹ​നി​ധി​യാ​യ ന​ബീ​സു​മ്മ​യാ​ണ് താ​രം. ഇ​ത് മോ​ൾ​ക്കെ​ന്ന് പ​റ​ഞ്ഞ് അ​മ്മ​യു​ടെ കൈ​യിലെ​ന്നും ഉ​മ്മ ഒ​രു പൊ​തി കൊ​ടു​ത്തു​വി​ടും . അ​ത് കൈയിൽ കി​ട്ടു​മ്പോ​ൾ ഉ​ള്ള ഒ​രു സ​ന്തോ​ഷം പ​റ​ഞ്ഞ​റി​യി​ക്കു​ന്ന​തി​ലു​മ​പ്പു​റ​മാ​യി​രു​ന്നു. ഓ​രോ ദി​വ​സ​വും കി​ട്ടു​ന്ന പൊ​തി​യി​ലെ അ​രി​ക്ക​ടു​ക്ക​യും ഉ​ന്ന​ക്കാ​യും ഇ​ന്നും എ​ന്നെ​യേ​റെ കൊ​തി​പ്പി​ക്കു​ക​യാ​ണ്.

അ​ങ്ങ​നെ എ​ല്ലാ ദി​വ​സ​വും വൈ​കു​ന്നേ​ര​ത്തെ ബാ​ങ്ക് വി​ളി​യും കാ​ത്തു​ള്ള ഇ​രി​പ്പാ​ണ്. പെ​രു​ന്നാ​ൾ ദി​നം എ​ത്തി​യാ​ൽ പി​ന്നെ പ​റ​യേ​ണ്ട​തി​ല്ല. ന​ബീ​സു​മ്മ​യു​ടെ സ്പെ​ഷ​ൽ ദo ​ബി​രി​യാ​ണി എ​ത്തും. ഒ​ത്തി​രി സ്നേ​ഹ​ത്തോ​ടു കൂ​ടി മാ​ത്ര​മേ ഇ​ന്നും ഈ ​ഓ​ർ​മ​ക​ൾ പ​ങ്ക് വെ​ക്കാ​ൻ ക​ഴി​യൂ... ന​ന്മ നി​റ​ഞ്ഞ ന​ബീ​സു​മ്മ ഇ​ന്ന് ജീ​വി​ച്ചി​രി​ക്കു​ന്നി​ല്ലെ​ങ്കി​ലും ആ ​സ്നേ​ഹം ഓ​രോ നോ​മ്പു​കാ​ലം വ​രു​മ്പോ​ഴും എ​ന്നെ ഓ​ർ​മ​പ്പെ​ടു​ത്തു​ന്ന ഒ​ന്നാ​ണ്.

കു​ട്ടി​കാ​ല​ത്ത്‌ നോ​മ്പി​ന്റെ മ​ഹ​ത്വ​ത്തെ കു​റി​ച്ചും ത്യാ​ഗ​ത്തെ കു​റി​ച്ചും അ​റി​വി​ല്ലെ​ങ്കി​ലും ഇ​ന്ന് വ​ർ​ഷ​ങ്ങ​ൾ​ക്കി​പ്പു​റം ഓ​രോ റ​മ​ദാ​ൻ മാ​സ​ങ്ങ​ൾ ക​ടു​ന്നു​പോ​കു​മ്പോ​ൾ സ​ൽക്കർ​മ്മ​ങ്ങ​ളു​ടെ​യും കാ​രു​ണ്യ​ത്തി​ന്റെ​യും പ്ര​തി​ഫ​ല​മാ​ണ് റ​മ​ദാ​ൻ എ​ന്ന് ബോ​ധ്യ​പ്പെ​ടു​ത്തു​ക​യാ​ണ്. പ്ര​വാ​സി​യാ​യി ഒ​മാ​നി​ൽ എ​ത്തി​യ​തി​നു​ശേ​ഷം വി​വി​ധ സം​ഘ​ട​ന​ക​ൾ ന​ട​ത്തു​ന്ന സ​മൂ​ഹ നോ​മ്പു​തു​റ​ക​ളി​ൽ പ​ങ്കെ​ടു​ക്കു​വാ​ൻ അ​വ​സ​ര​ങ്ങ​ൾ ഉ​ണ്ടാ​യി​ട്ടു​ണ്ട്. ഒ​ന്നി​ച്ചു ജോ​ലി ചെ​യ്യു​ന്ന​വ​രു​ടെ രാ​ജ്യ​ത്തെ പെ​രു​ന്നാ​ൾ വി​ശേ​ഷ​ങ്ങ​ളും അ​വ​ർ റ​മ​ദാ​ൻ മാ​സ​ത്തി​ൽ ചെ​യ്യു​ന്ന സ​കാ​ത്തു​ക​ളു​ടെ കാ​ര്യ​ങ്ങ​ൾ അ​റി​യു​മ്പോ​യും കൂ​ടു​ത​ൽ സ​ന്തോ​ഷം.

ഞാ​ൻ ജോ​ലി​ചെ​യ്യു​ന്ന സ്കൂ​ളി​ൽ ആ​യാ​ലും അ​വി​ടത്തെ കു​ട്ടി​ക​ളു​മാ​യി സ​ഹ​ക​രി​ച്ചു നി​ര​വ​ധി ജീ​വ​കാ​രു​ണ്യ പ്ര​വ​ൃത്തി​ക​ൾ ചെ​യ്യു​ന്നു​ണ്ട്. ഇ​തൊ​ക്കെ ഈ ​പു​ണ്യ​മാ​സ​ത്തെ പ​റ്റി കൂ​ടു​ത​ല​റി​യാ​ൻ അ​വ​സ​ര​മു​ണ്ടാ​ക്കി​യി​ട്ടു​ണ്ട് . ന​ന്മ നി​റ​ഞ്ഞ ഒ​രു നോ​മ്പു​കാ​ല​വും ക​ട​ന്നു പോ​വു​ക​യാ​ണ്. ജാ​തി​ഭേ​ദ​മി​ല്ലാ​തെ എ​ല്ലാ​വ​രും ജീ​വ​കാ​രു​ണ്യ പ്ര​വ​ർ​ത്ത​ന​ത്തി​ൽ പ​ങ്കാ​ളി​ക​ളാ​ക​ട്ടെ, എ​ല്ലാ​വ​രു​ടെ​യും മ​ന​സ്സി​ൽ സ്നേ​ഹ​വും കാ​രു​ണ്യ​വും നി​റ​യ​ട്ടെ.