പ്രതീകാത്മക ചിത്രം
മസ്കത്ത്: ദാഹിറാ ഗവർണറേറ്റിലെ ഫൈൻ ആർട്സ് അധ്യാപകരുടെ 58 കലാസൃഷ്ടികൾ പ്രദർശിപ്പിക്കുന്ന ‘പാസ്റ്റൽ ഗാലറി 2’ ബൈതുൽ മറാ കോട്ടയിൽ ഉദ്ഘാടനം ചെയ്തു. ദാഹിറ വിദ്യാഭ്യാസ ഡയറക്ടറേറ്റ് ജനറലിന്റെ ആഭിമുഖ്യത്തിലാണ് ഏഴുദിവസം നീളുന്ന പ്രദർശനം സംഘടിപ്പിച്ചിരിക്കുന്നത്. പ്രദർശനത്തിൽ വൈവിധ്യമാർന്ന കലാസൃഷ്ടികൾ ഉൾപ്പെടുത്തിയിട്ടുണ്ട്.
വിദ്യാഭ്യാസരംഗത്തെ സൃഷ്ടിപാടവം പ്രദർശിപ്പിക്കുന്നതോടൊപ്പം ഒമാന്റെ സാംസ്കാരിക-സൗന്ദര്യ മൂല്യങ്ങളും ഈ കൃതികൾ മുന്നോട്ട് വെക്കുന്നു. ഒമാന്റെ പ്രകൃതിയും പൈതൃകവും ഒത്തുചേർന്ന സൗന്ദര്യമാണ് ഈ സൃഷ്ടികളുടെ പ്രമേയമെന്നും ഒമാനി സ്വത്വവും പാരമ്പര്യവുമാണ് ചിത്രങ്ങളുടെ മുഖ്യ ആധാരമെന്നും പ്രദർശന മേൽനോട്ട ചുമതലയുള്ള മാജിദ് ബിൻ സാലിം അൽ ഗാഫ്രി പറഞ്ഞു.
പ്രദർശനം ശൈഖ് അലി ബിൻ മുഹമ്മദ് അൽ ബുസൈദി ഉദ്ഘാടനം ചെയ്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.