മസ്കത്ത്: കോൺസുലാർ സേവനങ്ങൾ മെച്ചപ്പെടുത്തുന്നതിനായി ഒമാൻ വിദേശകാര്യ മന്ത്രാലയം ഇ-സർവിസസ് പോർട്ടലും ആപ്പും ആരംഭിച്ചു. നയതന്ത്ര, കോൺസുലാർ പ്രവർത്തനങ്ങളിൽ സാങ്കേതികവിദ്യ സംയോജിപ്പിക്കുക എന്ന ലക്ഷ്യത്തോടെയാണ് ഇ-സർവിസസ് പോർട്ടലും സ്മാർട്ട്ഫോൺ ആപ്ലിക്കേഷനും അവതരിപ്പിച്ചിരിക്കുന്നത്.
മന്ത്രാലയത്തിന്റെ പ്രവർത്തനങ്ങളിൽ നൂതന സാങ്കേതികവിദ്യ സംയോജിപ്പിക്കുക, ഡിജിറ്റൽ ആശയവിനിമയം മെച്ചപ്പെടുത്തുക, പൗരന്മാർക്കും, താമസക്കാർക്കും, സന്ദർശകർക്കും ഒരുപോലെ കോൺസുലാർ സേവനങ്ങളിലേക്കുള്ള ആക്സസ് മെച്ചപ്പെടുത്തുക എന്നിവ ലക്ഷ്യമിട്ടാണ് ഇ-സർവിസസ് പോർട്ടലും ആപ്പും രൂപകൽപന ചെയ്തിരിക്കുന്നത്. ഒമാനി എംബസികളുമായും കോൺസുലാർ സേവനങ്ങളിലേക്കും ഉപയോക്താക്കൾക്ക് ആശയവിനിമയം നടത്തുന്നതിനുള്ള സംവേദനാത്മക മാർഗം നൽകുകയെന്നതാണ് ഇതിന്റെ ലക്ഷ്യം. ഇതുവഴി എപ്പോൾ വേണമെങ്കിലും എവിടെയും കോൺസുലാർ സേവനങ്ങൾ എളുപ്പത്തിൽ ആക്സസ് ചെയ്യാൻ സാധിക്കുമെന്നും അധികൃതർ വ്യക്തമാക്കി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.