ശബാബ് ഒമാൻ രണ്ട് ജിദ്ദ ഇസ്ലാമിക് തുറമുഖത്തെത്തിയപ്പോൾ
മസ്കത്ത്: സമാധാനത്തിന്റെ സന്ദേശം പകർന്ന് 'ശബാബ് ഒമാൻ രണ്ട്' നാവിക കപ്പൽ നടത്തുന്ന ആറാമത് അന്തർദേശീയ യാത്ര സൗദി അറേബ്യയിലെ ജിദ്ദ ഇസ്ലാമിക് തുറമുഖത്തെത്തി. 'ഒമാൻ, സമാധാനത്തിന്റെ ഭൂമിക' എന്ന തലക്കെട്ടിൽ യൂറോപ്യൻ ഉപഭൂഖണ്ഡത്തിലേക്ക് നടത്തുന്ന യാത്ര ഈ മാസം 11നാണ് ഒമാനിൽ നിന്ന് ആരംഭിച്ചത്. സഈദ് ബിൻ സുൽത്താൻ നേവൽ ബേസിൽ നടന്ന യാത്രയയപ്പ് ചടങ്ങിന് ദിവാൻ ഓഫ് റോയൽ കോർട്ട് മന്ത്രി സയ്യിദ് ഖാലിദ് ബിൻ ഹിലാൽ അൽ ബുസൈദിയായിരുന്നു നേതൃത്വം നൽകിയിരുന്നത്. ലോക സഞ്ചാരത്തിന്റെ ഭാഗമായി 18 രാജ്യങ്ങളിലെ 30 തുറമുഖങ്ങൾ സന്ദർശിക്കും. കഴിഞ്ഞ വർഷം നവംബർ ഏഴിന് സൗഹൃദത്തിന്റെ സന്ദേശവുമായി 'ശബാബ് ഒമാൻ രണ്ട്' ഒമാൻ നാവിക കപ്പൽ ജി.സി.സി രാജ്യങ്ങളിലേക്ക് യാത്ര നടത്തിയിരുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.