മസ്കത്ത്: കൊറോണ വൈറസ് ബാധയുടെ പശ്ചാത്തലത്തിൽ ചൈനീസ് കമേഴ്സ്യൽ സെൻററുകൾ സ ന്ദർശിക്കുന്നതിന് കുഴപ്പമില്ലെന്ന് ആരോഗ്യ മന്ത്രാലയം അറിയിച്ചു. ഇതുവരെ ഇത്തരം സെൻററുകളിലെ ഒരു ജീവനക്കാർക്കും രോഗബാധ റിപ്പോർട്ട് ചെയ്തിട്ടില്ല. ചൈനയിൽനിന്നുള്ള യാത്രക്കാരെ വിമാനത്താവളങ്ങളിൽ കർശന പരിശോധനക്ക് വിധേയമാക്കി വരുന്നുണ്ടെന്നും മന്ത്രാലയം അറിയിച്ചു.
സമൂഹ മാധ്യമങ്ങളിലൂടെ രോഗബാധ സംബന്ധിച്ച ബോധവത്കരണ പ്രവർത്തനങ്ങൾ ആരോഗ്യ മന്ത്രാലയം നടത്തിവരുന്നുണ്ട്. ഇതോടൊപ്പം രോഗ പ്രതിരോധ നടപടികൾക്കായി ജീവനക്കാരെ ഒരുക്കുന്നതിനായി നിരവധി വർക്ഷോപ്പുകളും സംഘടിപ്പിച്ചു. മനുഷ്യരിലോ മൃഗങ്ങളിലോ മാത്രമാണ് രോഗാണു ജീവനോടെ നില നിൽക്കുകയുള്ളൂ. അല്ലാത്ത ചൈനീസ് ഉൽപന്നങ്ങൾ ഉപയോഗിക്കുന്നതിന് കുഴപ്പമില്ല. ഒാൺലൈനിലും മറ്റും ഒാർഡർ ചെയ്യുന്ന ഉൽപന്നങ്ങൾ രോഗാണു ജീവനോടെ നിൽക്കുന്നതിലും അധിക സമയമെടുത്തുമാത്രമേ ഒമാനിലേക്ക് എത്തുകയുള്ളൂ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.