മസ്കത്ത്: ദഹ്ബി ബ്രാൻഡിന് കീഴിലെ ധാന്യമാവിൽ പ്ലാസ്റ്റിക് ഉണ്ടെന്ന പ്രചാരണങ് ങൾ അടിസ്ഥാനരഹിതമാണെന്ന് റീജനൽ മുനിസിപ്പാലിറ്റീസ് ആൻഡ് വാട്ടർ റിസോഴ്സസ് മന്ത്രാലയത്തിന് കീഴിെല ഭക്ഷ്യസുരക്ഷ കേന്ദ്രം അറിയിച്ചു. ഗോൾഡ് രണ്ട് എന്ന പേരിലുള്ള ബ്രാൻഡിൽ പ്ലാസ്റ്റിക് കണ്ടെത്തിയതായി സമൂഹ മാധ്യമങ്ങളിലെ പ്രചാരണത്തെ തുടർന്നാണ് ഭക്ഷ്യസുരക്ഷ കേന്ദ്രം പരിശോധന നടത്തിയത്. ലബോറട്ടറി പരിശോധനയിൽ മാവിൽ പ്ലാസ്റ്റിക് കണ്ടെത്തിയില്ലെന്നും മാവ് മനുഷ്യോപയോഗത്തിന് യോജിച്ചതാണെന്നും മന്ത്രാലയം പ്രസ്താവനയിൽ അറിയിച്ചു.
ഗ്ലൂട്ടൻ എന്ന പ്രകൃതിദത്ത വസ്തു ഉള്ളതിനാലാണ് മാവ് ഒട്ടിപ്പിടിക്കുന്നതെന്നും മന്ത്രാലയം റിപ്പോർട്ടിൽ അറിയിച്ചു. കമ്പനിക്കെതിരെ വ്യാജപ്രചാരണം നടത്തിയവർക്കെതിരെ സാധ്യമായ രീതിയിലുള്ള എല്ലാ നിയമ നടപടികളുമെടുക്കുമെന്ന് ദഹ്ബി മാവിെൻറ നിർമാതാക്കളായ ഒമാൻ മിൽസ് കമ്പനിയും അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.