മസ്കത്ത്: അമിറാത്ത്-ബോഷർ റോഡിൽ (മൗണ്ടൻ റോഡ്) ട്രക്ക് മറിഞ്ഞ് ഒരാൾ മരിച്ചു. ട്ര ക്ക് ഡ്രൈവറാണ് മരിച്ചത്. ബുധനാഴ്ച വൈകീട്ടായിരുന്നു അപകടം. ഇറക്കം ഇറങ്ങിവരുകയ ായിരുന്ന ട്രക്ക് നിയന്ത്രണം വിട്ട് മീഡിയനിൽ ഇടിച്ച് മറിയുകയായിരുന്നു. ഏറെ നേരം പണിപ്പെട്ട ശേഷമാണ് ഡ്രൈവറുടെ ശരീരം പുറത്തെടുക്കാനായത്. ഇയാൾ ഏത് രാജ്യക്കാരനാണ് എന്നതടക്കം വിവരങ്ങൾ വ്യക്തമായിട്ടില്ല.
ട്രക്കിലുണ്ടായിരുന്ന ക്രെയിൻ എതിർദിശയിൽ വരുകയായിരുന്ന കാറിന് മുകളിലേക്ക് വീണ് കാർ ഡ്രൈവർക്ക് ഗുരുതര പരിക്കേറ്റിട്ടുണ്ട്. അപകടത്തെ തുടർന്ന് റോഡിൽ ഏറെ നേരം ഗതാഗതം സ്തംഭിച്ചു. അപകട സാധ്യത ഉയർത്തുന്നത് കണക്കിലെടുത്ത് റോഡിൽ ട്രക്കുകളുടെ ഗതാഗതം നിരോധിക്കണമെന്ന ആവശ്യം സമൂഹ മാധ്യമങ്ങളിൽ ശക്തമായിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.