മസ്കത്ത്: വിസിറ്റിങ് വിസയിൽ വരുന്നവരുടെ കൈവശം റിേട്ടൺ ടിക്കറ്റും ഉണ്ടായിരിക് കണമെന്ന് ഒമാൻ എയർ അറിയിച്ചു. ചില ട്രാവൽ ഏജൻറുമാർ വൺവേ ടിക്കറ്റ് മാത്രവും അല്ലെങ ്കിൽ തിരിച്ചുള്ള യാത്രക്ക് വേറെ വിമാന കമ്പനിയുടെ ടിക്കറ്റും എടുത്ത് നൽകാറുണ്ട്. തിരിച്ചുയാത്രക്കുള്ള ടിക്കറ്റ് യാത്രക്കാരൻ ലക്ഷ്യസ്ഥാനത്ത് എത്തിക്കഴിഞ്ഞാൽ കാൻസൽ ചെയ്യുകയും ചെയ്യും. ഇങ്ങനെ കാൻസൽ ചെയ്യുന്നത് വഴി ഒമാൻ എയർ വലിയ തുക പിഴ ഒടുക്കേണ്ടിവരുന്നുണ്ട്.
ഇത് മുൻനിർത്തിയാണ് പുതിയ നിർദേശം. ഇനി ഏതെങ്കിലും ലക്ഷ്യസ്ഥാനത്തേക്ക് ഒമാൻ എയറിൽ യാത്രചെയ്യുന്നവർ ഒറ്റ ഡോക്യുമെൻറിലായി രണ്ടു വശത്തേക്കുമുള്ള ടിക്കറ്റും കാണിക്കണമെന്ന് ഒമാൻ എയർ അറിയിപ്പിൽ പറയുന്നു. ഒരു വശത്തേക്കുള്ളതോ അല്ലെങ്കിൽ രണ്ടു പ്രത്യേക ടിക്കറ്റുകളോ സ്വീകാര്യമല്ലെന്നും അത്തരം ബുക്കിങ്ങുകൾ മുൻകൂർ അറിയിപ്പില്ലാതെ റദ്ദാക്കുമെന്നും ഒമാൻ എയർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.