സൂർ: കൈരളി കല-സാംസ്കാരിക പ്രവർത്തകർ സൂറിൽ പ്രവാസികൾക്കായി കലാവിരുന്നൊരുക്കി. ‘കൈരളി കലാസന്ധ്യ 2018’ എന്ന പേരിൽ സൂർ ക്ലബിൽ സംഘടിപ്പിച്ച പരിപാടി മസ്കത്ത് ഇന്ത്യൻ സോഷ്യൽ ക്ലബ് കേരള വിഭാഗം മുൻ സ്പോർട്സ് കൺവീനർ റെജി ഉദ്ഘാടനം ചെയ്തു. സൂറിലും സമീപ പ്രദേശങ്ങളിലുമുള്ള പ്രവാസി കലാകാരന്മാരെ അണിനിരത്തി തിരുവാതിര, ഒപ്പന, പാശ്ചാത്യ നൃത്തം, സംഗീത ശിൽപം, ക്ലാസിക്കൽ നൃത്തം, സിനിമാറ്റിക് നൃത്തം, മിമിക്സ് പരേഡ്, ഗാനമേള, നാടൻപാട്ട്, പഞ്ചാബി നൃത്തം തുടങ്ങിയവ അവതരിപ്പിച്ചു. സൂറിലെ കലാകാരന്മാർ അഭിനയിച്ച ‘വേദ’ ഹ്രസ്വചിത്രവും പരിപാടിയുടെ ഭാഗമായി പ്രദർശിപ്പിച്ചു. ശിവദാസ് മുചുകുന്ന് സംവിധാനം ചെയ്ത കരിവെള്ളൂർ മുരളിയുടെ ‘ഞാൻ സ്ത്രീ’, മുരുകൻ കാട്ടാക്കടയുടെ ‘അലൻ കുർദി’ എന്നിവ ആസ്ഥാനമാക്കിയുള്ള സംഗീതശിൽപവും അവതരിപ്പിച്ചു.പ്രോഗ്രാം കമ്മിറ്റി ചെയർമാൻ എ.കെ. സുനിൽ അധ്യക്ഷത വഹിച്ചു. ജനറൽ കൺവീനർ അജിത് സ്വാഗതവും കൺവീനർ പ്രകാശൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.