മസ്കത്ത്: ഇന്ധന സ്റ്റേഷൻ അടക്കം വിവിധ സ്ഥാപനങ്ങൾ ഒരു കുടക്കീഴിൽ ഒരുക്കുന്ന മസ്കത്തിലെ ആദ്യ ഇൻറഗ്രേറ്റഡ് സർവിസ് സ്റ്റേഷൻ വൈകാതെ പ്രവർത്തനമാരംഭിക്കും. ബയാർ ഇൻവെസ്റ്റ്മെൻറ് ഹൗസിന് കീഴിലാണ് ‘സയാർ 1’ എന്ന പേരിൽ സർവിസ് കേന്ദ്രം നിർമിക്കുന്നത്. മസ്കത്ത് എക്സ്പ്രസ്വേയിൽ ഗാലയിലായിരിക്കും കേന്ദ്രം. വിവിധ ഷോപ്പുകൾ, റസ്റ്റാറൻറുകൾ, കഫേകൾ, സ്ത്രീകൾക്കും പുരുഷന്മാർക്കുമുള്ള പ്രാർഥനാമുറി, ശുചിമുറി, എ.ടി.എം, മണിഎക്സ്ചേഞ്ച്, ഫാർമസി, ജിംനേഷ്യം തുടങ്ങി വിവിധ സൗകര്യങ്ങൾ ഇവിടെയുണ്ടാകുമെന്ന് ബയാൻ ഇൻവെസ്റ്റ്മെൻറ് ഹൗസ് ചെയർമാനും സി.ഇ.ഒയുമായ ഫഹദ് ബിൻ മുഹമ്മദ് അൽ ഖലീലി അറിയിച്ചു. ദീർഘദൂര, ഹ്രസ്വദൂര യാത്രക്കാർക്ക് പ്രയോജനപ്പെടുന്നതാകും സൗകര്യങ്ങൾ. മൊത്തം 4150 സ്ക്വയർ ഫീറ്റിലാണ് കെട്ടിടം. ഇതിൽ 20 വാണിജ്യ യൂനിറ്റുകളും 61 വാഹനങ്ങൾക്ക് പാർക്ക് ചെയ്യാൻ സൗകര്യവുമുണ്ടാകും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.