മസ്കത്ത്: ഒമാനിൽ തിങ്കളാഴ്ച 51 പേർക്ക് കൂടി കോവിഡ് 19 സ്ഥിരീകരിച്ചു. ഇതോടെ രാജ്യത്തെ മൊത്തം കോവിഡ് ബ ാധിതർ 2049 ആയി. 31 പേർ കൂടി പുതുതായി രോഗമുക്തരായിട്ടുണ്ട്. ഇതോടെ മൊത്തം രോഗ മുക്തർ 364 ആയിട്ടുണ്ട്. മലയാളിയടക്കം പത്തുപേർ മരണപ്പെടുകയും ചെയ്തു. തിങ്കളാഴ്ച രോഗം സ്ഥിരീകരിച്ചവരിൽ 14 പേർ മാത്രമാണ് വിദേശികൾ. ബാക്കി 37 പേരും സ്വദേശികളാണ്.
പുതിയ രോഗികളിൽ 15 പേരാണ് മസ്കത്ത് ഗവർണറേറ്റിൽ നിന്നുള്ളത്. ഇവിടെ മൊത്തം കോവിഡ് ബാധിതർ 1464 ആയി. രോഗമുക്തരുടെ എണ്ണം 232 ആയി ഉയരുകയും ചെയ്തു. മരിച്ച പത്തുപേരും മസ്കത്തിൽ ചികിത്സയിലിരുന്നവരാണ്. തെക്കൻ ബാത്തിനയിൽ 16 പേർക്ക് കൂടി പുതുതായി കോവിഡ് സ്ഥിരീകരിച്ചു.
ദാഹിറയിലും ദാഖിലിയയിലും ആറു പേർക്ക് വീതവും തെക്കൻ ശർഖിയയിൽ അഞ്ചു പേർക്കും വടക്കൻ ബാത്തിനയിൽ രണ്ടു പേർക്കും പുതുതായി വൈറസ് ബാധ സ്ഥിരീകരിച്ചതായി ആരോഗ്യ മന്ത്രാലയം തിങ്കളാഴ്ച പുറത്തുവിട്ട കണക്കുകൾ വ്യക്തമാക്കുന്നു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.