മസ്കത്ത്: മസ്കത്തിൽ വിദേശികൾക്കായി പുതിയ കോവിഡ് പരിശോധനാ കേന്ദ്രം തുറന്നു. സീബ് വിലായത്തിലെ മബേല വ്യവസായ മേഖലയിലാണ് ഇത്. സൗത്ത് മബേലയിൽ വേ നമ്പർ 7749ൽ പൈതൃക^സാംസ്കാരിക മന്ത്രാലയം പരിസരത്തുള്ള ക്ലിനിക്ക് വെള്ളിയാഴ്ച ഒഴിച്ചുള്ള ദിവസങ്ങളിൽ രാവിലെ ഒമ്പത് മുതൽ ഉച്ചക്ക് ഒരു മണി വരെ പ്രവർത്തിക്കും.
കോവിഡ് രോഗ ലക്ഷണങ്ങൾ ഉള്ളവർക്ക് ഇവിടെയെത്തി പരിശോധനയും ആവശ്യമെങ്കിൽ കോവിഡ് രോഗ നിർണയം നടത്തുകയും ചെയ്യാമെന്ന് ആരോഗ്യ വകുപ്പ് അറിയിച്ചു. മസ്കത്ത് ഗവർണറേറ്റിലെ അഞ്ചാമത്തെ പരിശോധനാ ക്ലിനിക്ക് ആണ് ഇത്.
ദാർൈസത്തിലെയും സീബ് ഷറാദിയിലെയും റുസൈലിലെയും വിസ മെഡിക്കൽ പരിശോധനാ കേന്ദ്രങ്ങൾക്ക് പുറമെ ഗാലയിലെ ഹോളിഡേ ഇന്നിന് സമീപമുള്ള ഒൗട്ട്റീച്ച് ക്ലിനിക്കിലും കോവിഡ് രോഗ നിർണയം സൗജന്യമായി നടത്തി വരുന്നുണ്ട്. രാവിലെ ഒമ്പത് മുതൽ ഉച്ചക്ക് ഒരു മണി വരെ തന്നെയാണ് ഇൗ ക്ലിനിക്കുകളും പ്രവർത്തിക്കുക.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.