ലീഡേഴ്സ് ഫോറം സലാലയിൽ സംഘടിപ്പിച്ച സൗഹൃദ ഇഫ്താർ
സലാല: വിവിധ സംഘടന നേതാക്കളെയും സാമൂഹിക പ്രവർത്തകരെയും പങ്കെടുപ്പിച്ചുകൊണ്ട് ലീഡേഴ്സ് ഫോറം സലാലയിൽ സൗഹൃദ ഇഫ്താർ സംഘടിപ്പിച്ചു. ഒളിമ്പിക് ഓഡിറ്റോറിയത്തിൽ നടന്ന സംഗമത്തിൽ വിവിധ കൂട്ടായ്മകളെ പ്രതിനിധീകരിച്ച് രണ്ടുപേർ വീതം സംബന്ധിച്ചു . സലാലയിലെയും പരിസര പ്രദേശങ്ങളിലെയും പ്രവാസികൾ നേരിടുന്ന പൊതുവായ പ്രശ്നങ്ങളിൽ യോജിച്ച് പ്രവർത്തിക്കാനായി രൂപീകരിച്ചതാണ് ലീഡേഴ്സ് ഫോറം.
എംബസി കോൺസുലാർ ഏജന്റ് ഡോ.കെ.സനാതനൻ അധ്യക്ഷത വഹിച്ചു. ഡോ. അബൂബക്കർ സിദ്ദിഖ്, ഷബീർ കാലടി, ഡോ. ഷാജി പി.ശ്രീധർ എന്നിവർ സംസാരിച്ചു. റസ്സൽ മുഹമ്മദ് സ്വാഗതം പറഞ്ഞു, ഒ.അബ്ദുൽ ഗഫൂർ, സി.വി. സുദർശനൻ എന്നിവർ നേതൃത്വം നൽകി. നാസർ പെരിങ്ങത്തൂർ, സിജോയ് പേരാവൂർ, പവിത്രൻ കാരായി, ജി. സലിം സേട്ട് തുടങ്ങിയ നേതാക്കളും സന്നിഹിതരായിരുന്നു .
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.