മസ്കത്ത്: ഇന്ത്യൻ സോഷ്യൽ ക്ലബ് ഒമാൻ ബാഡ്മിന്റൺ ടൂർണമെന്റിന് ദർസൈറ്റിലെ ഇന്ത്യൻ സോഷ്യൽ ക്ലബ് മൾട്ടിപർപ്പസ് ഹാൾ വേദിയായി.നൂറോളം താരങ്ങൾ പങ്കെടുത്തു. കാണികളെ ആകാംക്ഷയുടെ മുൾമുനയിൽ നിർത്തിയ എ വിഭാഗം ഫൈനലിൽ ഷാനവാസ് -റാഫി സഖ്യം തങ്ങളുടെ കരുത്തും കൃത്യതയും കൊണ്ട് എതിരാളികളെ നിഷ്പ്രഭരാക്കി വിജയം നേടി. ബി വിഭാഗത്തിൽ രമേശും ശ്രീജിത്തും തങ്കക്കിരീടം സ്വന്തമാക്കി.
വിജയികൾക്കുള്ള ട്രോഫികൾ ഇന്ത്യൻ സോഷ്യൽ ക്ലബ് ചെയർമാൻ ബാബു രാജേന്ദ്രൻ വിതരണം ചെയ്തു. ജനറൽ സെക്രട്ടറി ഷക്കീൽ കോമത്ത്, സ്പോർട്സ് സെക്രട്ടറി മനോജ്, മറ്റ് ഐ.എസ്.സി മാനേജ്മെന്റ് കമ്മിറ്റി അംഗങ്ങൾ എന്നിവർ വിജയികളെ അഭിനന്ദിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.