ഇന്ത്യൻ സ്കൂൾ രജിസ്ട്രേഷൻ നാളെ അവസാനിക്കും

മ​സ്ക​ത്ത്: ത​ല​സ്ഥാ​ന ന​ഗ​രി​യി​ലെ ആ​റ് ഇ​ന്ത്യ​ൻ സ്കൂ​ളു​ക​ളി​ലേ​ക്ക് പ്ര​വേ​ശ​ന​ത്തി​നു​ള്ള ഓ​ൺ​ലൈ​ൻ ര​ജി​സ്ട്രേ​ഷ​ൻ നാ​ളെ അ​വ​സാ​നി​ക്കും. തി​ങ്ക​ളാ​ഴ്ച ഉ​ച്ച​ക്ക് ര​ണ്ടു​മ​ണി​വ​രെ​യാ​ണ് ര​ജി​സ്ട്രേ​ഷ​നു​ള്ള സ​മ​യം. ഇ​ന്ത്യ​ക്കാ​ർ​ക്കു​പു​റ​മെ മ​റ്റ് രാ​ജ്യ​ക്കാ​ർ​ക്കും ഈ ​വ​ർ​ഷം പ്ര​വേ​ശ​ന​ത്തി​ന്​ അ​വ​സ​രം ഒ​രു​ക്കു​ന്നു​ണ്ട്. ര​ജി​സ്ട്രേ​ഷ​ൻ ന​ല്ല രീ​തി​യി​ൽ പു​രോ​ഗ​മി​ക്കു​ന്ന​താ​യാ​ണ്​ അ​റി​യു​ന്ന​ത്. എ​ന്നാ​ലും, സീ​റ്റു​ക​ൾ ബാ​ക്കി​യു​ണ്ടാ​വും. നി​ല​വി​ൽ അ​ൽ ഗു​ബ്റ ഇ​ന്ത്യ​ൻ സ്കൂ​ളി​ൽ മാ​ത്ര​മാ​ണ് പ്ര​വേ​ശ​ന​ത്തി​ന് തി​ര​ക്ക് അ​നു​ഭ​വ​പ്പെ​ടു​ന്ന​ത്. ഇ​വി​ടെ അ​പേ​ക്ഷി​ച്ച വ​ർ​ക്കെ​ല്ലാം സീ​റ്റ് ല​ഭി​ക്കാ​ൻ സാ​ധ്യ​ത​യി​ല്ല. മ​റ്റ് സ്കൂ​ളു​ക​ളി​ൽ അ​പേ​ക്ഷ ന​ൽ​കി​യ​വ​ർ​ക്കെ​ല്ലാം ഒ​ന്നാം പ​രി​ഗ​ണ​ന​യാ​യി ന​ൽ​കി​യ സ്കൂ​ളി​ൽ ത​ന്നെ പ്ര​വേ​ശ​നം ല​ഭി​ക്കും.

അ​പേ​ക്ഷ​ക​ൾ താ​ര​ത​മ്യേ​ന കു​റ​വാ​ണെ​ങ്കി​ലും ഓ​ൺ​ലൈ​ൻ ന​റു​ക്കെ​ടു​പ്പി​ലൂ​ടെ മാ​ത്ര​മാ​യി​രി​ക്കും അ​ത​ത് സ്കൂ​ളി​ലേ​ക്ക് പ്ര​വ​ശേ​നം ല​ഭി​ക്കു​ക. ഒ​ന്നാം പ​രി​ഗ​ണ​ന ന​ൽ​കി​യ സ്കൂ​ളി​ൽ ത​ന്നെ പ്ര​വേ​ശ​നം ന​ൽ​കാ​നാ​ണ് ന​റു​ക്കെ​ടു​പ്പ് ന​ട​ത്തു​ന്ന​ത്. ന​റു​ക്കെ​ടു​പ്പ് ക​ഴി​ഞ്ഞാ​ലും അ​ൽ ഗു​ബ്റ സ്കൂ​ളി​ലൊ​ഴി​കെ ബാ​ക്കി സ്കൂ​ളി​ലെ​ല്ലാം സീ​റ്റു​ക​ൾ ഒ​ഴി​ഞ്ഞു​കി​ട​ക്കാ​നാ​ണ് സാ​ധ്യ​ത. ഇ​ത് പ​രി​ഹ​രി​ക്കാ​നു​ള്ള മാ​ർ​ഗ​ങ്ങ​ളും ഡ​യ​റ​ക്ട​ർ ബോ​ർ​ഡ് ആ​രാ​യു​ന്നു​ണ്ട്. ത​ല​സ്ഥാ​ന ന​ഗ​രി​യി​ലെ ഒ​രു ഇ​ന്ത്യ​ൻ സ്കൂ​ളി​ൽ അ​പേ​ക്ഷ​ക​ർ തീ​രെ കു​റ​വാ​ണ്. പു​തി​യ കു​ട്ടി​ക​ൾ കു​റ​യു​ന്ന​ത് ഇൗ ​വ​ർ​ഷം സ്ഥാ​പ​ന​ത്തെ കാ​ര്യ​മാ​യി ബാ​ധി​ക്കി​ല്ലെ​ങ്കി​ലും വ​രും വ​ർ​ഷ​ങ്ങ​ളി​ൽ സ്കൂ​ളി​നെ പ്ര​തി​കൂ​ല​മാ​യി ബാ​ധി​ക്കാ​ൻ സാ​ധ്യ​ത​യു​ണ്ട്. ഭാ​വി​യി​ൽ ജീ​വ​ന​ക്കാ​രെ കു​റ​ക്കു​ന്ന​ത​ട​ക്ക​മു​ള്ള ന​ട​പ​ടി​ക​ളു​മാ​യി അ​ധി​കൃ​ത​ർ​ക്ക് മു​ന്നോ​ട്ടു​പോ​വേ​ണ്ടി​വ​രും.

എ​ണ്ണ വി​ല​ക്കു​റ​വ് സൃ​ഷ്ടി​ച്ച സാ​മ്പ​ത്തി​ക പ്ര​തി​സ​ന്ധി​യും ര​ണ്ടു​വ​ർ​ഷ​മാ​യി അ​നു​ഭ​വി​ക്കു​ന്ന കോ​വി​ഡ് പ്ര​തി​സ​ന്ധി​യു​മാ​ണ് ഇ​ന്ത്യ​ൻ സ്കൂ​ളു​ക​ളി​ലെ പ്ര​വേ​ശ​നം കു​റ​യാ​നും സ്കൂ​ളി​ൽ​നി​ന്ന് കൊ​ഴി​ഞ്ഞു​പോ​ക്ക് കൂ​ടാ​നും പ്ര​ധാ​ന കാ​ര​ണം.

മു​ൻ വ​ർ​ഷ​ങ്ങ​ളെ അ​പേ​ക്ഷി​ച്ച് കു​റ​ഞ്ഞ അ​പേ​ക്ഷ​ക​ർ മാ​ത്ര​മാ​ണ് ഈ ​വ​ർ​ഷ​മു​ള്ള​ത്. ക​ഴി​ഞ്ഞ വ​ർ​ഷ​മൊ​ഴി​കെ മു​ൻ വ​ർ​ഷ​ങ്ങ​ളി​ൽ അ​യ്യാ​യി​ര​ത്തോ​ളം അ​പേ​ക്ഷ​ക​ർ പു​തു​താ​യി എ​ത്താ​റു​ണ്ട്. ഈ ​വ​ർ​ഷ​ത്തെ അ​പേ​ക്ഷ​ക​രു​ടെ എ​ണ്ണം തി​ട്ട​പ്പെ​ടു​ത്താ​നാ​യി​ല്ലെ​ങ്കി​ലും അ​പേ​ക്ഷ​ക​ർ കു​റ​യു​മെ​ന്നു​റ​പ്പാ​ണ്. കോ​വി​ഡ് കാ​ര​ണം ഉ​ട​ലെ​ടു​ത്ത സാ​മ്പ​ത്തി​ക പ്ര​തി​സ​ന്ധി​ക്കു​പു​റ​മെ സ്വ​ദേ​ശി​വ​ത്ക​ര​ണ​വും ഇ​ന്ത്യ​ൻ സ്കൂ​ളു​ക​ളെ പ്ര​തി​കൂ​ല​മാ​യി ബാ​ധി​ക്കു​ന്നു​ണ്ട്. സ്വ​ദേ​ശി​വ​ത്ക​ര​ണം കാ​ര​ണം ആ​രോ​ഗ്യ മേ​ഖ​ല​യി​ല​ട​ക്കം ജോ​ലി ചെ​യ്യു​ന്ന നി​ര​വ​ധി ഇ​ന്ത്യ​ക്കാ​ർ മ​റ്റ് രാ​ജ്യ​ങ്ങ​ളി​ലേ​ക്ക് ചേ​ക്കേ​റു​ന്നു​ണ്ട്. ഇ​വ​യി​ൽ വ​ലി​യ വി​ഭാ​ഗം കു​ടും​ബ​മാ​യി ഒ​മാ​നി​ൽ ക​ഴി​യു​ന്ന​വ​രു​മാ​ണ്. ഇ​ത്ത​രം ജോ​ലി​ന​ഷ്ട​വും ചേ​ക്കേ​റ​ലു​മൊ​ക്കെ ഇ​ന്ത്യ​ൻ സ്കൂ​ളു​ക​ളെ​യും ബാ​ധി​ക്കു​ക​യാ​ണ്.