സലാല: ദീർഘ നാളത്തെ പ്രവാസം അവസാനിപ്പിച്ച് നാട്ടിലേക്ക് മടങ്ങുന്ന എരുമേലി സ്വദേശി ഹ ാരിസ് ഹസൻ റാവുത്തർക്ക് കൈരളി സലാല യാത്രയയപ്പ് നൽകി. ഏറെക്കാലം മസ്കത്തിലെ ജീവകാരുണ്യ, സാമൂഹിക-സാംസ്കാരിക മേഖലകളിലെ സജീവ സാന്നിധ്യമായിരുന്നു ഇദ്ദേഹം. രണ്ടുവർഷത്തോളമായി സലാല സിറ്റി കേന്ദ്രീകരിച്ചാണ് പ്രവർത്തനം. സ്വകാര്യ കമ്പനി ജീവനക്കാരനായ ഇദ്ദേഹം കൈരളി സലാല കേന്ദ്ര കമ്മിറ്റി അംഗവുമായിരുന്നു. കൈരളി ഓഫിസിൽ നടന്ന ചടങ്ങിൽ പ്രസിഡൻറ് കെ.എ. റഹിം അധ്യക്ഷത വഹിച്ചു. യോഗത്തിൽ ലോക കേരള സഭാഗം എ.കെ. പവിത്രൻ ആശംസകളർപ്പിച്ചു. മുതിർന്ന നേതാവ് പി.ആർ. വിജയരാഘവൻ കൈരളിയുടെ ഉപഹാരം നൽകി. സിറ്റി യൂനിറ്റിെൻറ ഉപഹാരം മൻസൂർ പട്ടാമ്പി നൽകി. മുതിർന്ന നേതാക്കളായ ചന്ദ്രൻ കണ്ണോത്ത്, എം.കെ. ശശി, സി. വിനയകുമാർ, അസീസ് റാവുത്തർ, ലിജോ ലാസർ, പ്രദീശൻ മേമുണ്ട, സനീഷ്, ഹേമ ഗംഗാധരൻ, ഷിബു മുപ്പത്തടം, എന്നിവർ സംസാരിച്ചു. സിജോയ് സ്വാഗതവും റിജിൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.