ദേശീയ അത്‌ലറ്റിക് മീറ്റിൽ ഇഷാൻ മുഹമ്മദിന് സ്വർണം; ഇന്ത്യൻ സ്കൂൾ മുലദ്ദക്ക് ചരിത്രനേട്ടം
മുലദ്ദ : സി.ബി.എസ്.ഇ ദേശീയ അത്‌ലറ്റിക് മീറ്റിൽ ലോങ്ജമ്പിൽ സ്വർണ മെഡൽ നേടി ഇന്ത്യൻ സ്കൂൾ മുലദ്ദയിലെ ഇഷാൻ മുഹമ്മദ്. പഞ്ചാബിലെ പട്യാല എസ്.ഡി.പി.എസ് സ്കൂളിൽ നടന്ന ദേശീയ മീറ്റിൽ അണ്ടർ-17 വിഭാഗത്തിൽ 6.81 മീറ്റർ ചാടിയാണ് പതിനൊന്നാം ക്ലാസ് വിദ്യാർഥിയായ ഇഷാൻ സ്വർണ്ണമെഡൽ കരസ്ഥമാക്കിയത്.
സി.ബി.എസ്.ഇ ദേശീയ അത്‌ലറ്റിക് മീറ്റിൽ ഇന്ത്യൻ സ്കൂൾ മുലദ്ദ ലഭിക്കുന്ന ആദ്യ സ്വർണമാണിത്. അണ്ടർ-17 വിഭാഗം 100 മീറ്റർ സ്പ്രിന്റിലും ഇഷാൻ ഫൈനലിലെത്തി.ഇന്ത്യൻ സ്കൂൾ മസ്കത്ത് ആതിഥേയത്വം വഹിച്ച സി.ബി.എസ്.ഇ ഒമാൻ ക്ലസ്റ്റർ അത്‌ലറ്റിക് മീറ്റിൽ വ്യക്തിഗത ചാമ്പ്യനായാണ് ഇഷാൻ ദേശീയ മീറ്റിലേക്ക് യോഗ്യത നേടിയത്.
ദേശീയ തലത്തിലെ ഈ നേട്ടത്തോടെ നവംബറിൽ മധ്യപ്രദേശിലെ ശിവപുരിയിൽ നടക്കുന്ന 70-ാമത് സ്കൂൾ ഗെയിംസ് ഫെഡറേഷൻ ഓഫ് ഇന്ത്യ ദേശീയ അത്‌ലറ്റിക് മീറ്റിലേക്കും ഇഷാൻ യോഗ്യത നേടി.ഇഷാന്റെ നേട്ടത്തിൽ ഇന്ത്യൻ സ്കൂൾ മുലദ്ദ മാനേജ്മെന്റും അധ്യാപകരും വിദ്യാർഥികളും രക്ഷിതാക്കളും അഭിനന്ദനം അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.