ഒമാനിലെ മുൻനിര ധനവിനിമയ സ്ഥാപനമായ ഗ്ലോബൽ മണി എക്സ്ചേഞ്ച് ‘ഗ്ലോബൽ ഫ്രീഡം’ എന്ന പേരിൽ മണി ട്രാൻസ്ഫർ ആപ്ലിക്കേഷൻ പുറത്തിറക്കി. കോവിഡിെൻറ പശ്ചാത്തലത്തിൽ ഉപഭോക്താക്കൾക്ക് ഏറ്റവും മികച്ച സേവനം ലഭ്യമാക്കുന്നതിനായി പുറത്തിറക്കിയ ആപ്പ് ഇപ്പോൾ ഇംഗ്ലീഷിൽ മാത്രമാണ് ലഭ്യമായിട്ടുള്ളത്. വൈകാതെ അറബി, ഹിന്ദി, മലയാളം, ഉർദു, ബംഗാളി ഭാഷകളിലും ആപ്പ് ലഭ്യമാകും.
ഉപഭോക്താക്കൾക്ക് സുരക്ഷിതമായും സൗകര്യപ്രദമായും പണമയക്കുന്നതിനുള്ള സൗകര്യം ആപ്ലിക്കേഷനിൽ ലഭ്യമാകുമെന്ന് ഗ്ലോബൽ മണി എക്സ്ചേഞ്ച് മാനേജിങ് ഡയറക്ടർ സുബ്രഹ്മണ്യൻ പറഞ്ഞു. ഇന്ത്യ, പാക്കിസ്ഥാൻ, ബംഗ്ലാദേശ്, ഫിലിപ്പൈൻസ്, നേപ്പാൾ, ശ്രീലങ്ക തുടങ്ങിയ രാജ്യങ്ങളിലേക്കുള്ള ബാങ്ക് ട്രാൻസ്ഫർ സൗകര്യം നിലവിൽ ലഭ്യമാണ്. ഒമാനിലെ എല്ലാ ഡെബിറ്റ് കാർഡുകളും ആപ്പ് വഴി പണമയക്കുന്നതിനായി ഉപയോഗിക്കാം. കൂടുതൽ ഡിജിറ്റൽ സേവനങ്ങൾ വരും നാളുകളിൽ ഉപഭോക്താക്കൾക്കായി പുറത്തിറക്കുമെന്ന് ഗ്ലോബൽ മണി എക്സ്ചേഞ്ച് ജനറൽ മാനേജർ അമിത് താലുക്ദർ പറഞ്ഞു. ആപ്ലിക്കേഷൻ ഗൂഗിൾ പ്ലേ സ്റ്റോറിൽ ലഭ്യമാണ്. ആപ്പ് സ്റ്റോറിൽ വൈകാതെ ലഭ്യമാകും. കൂടുതൽ വിവരങ്ങൾക്ക് ഫോൺ: 99838325 99500532.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.