മസ്കത്ത്: സംഗീതമാന്ത്രികൻ സ്റ്റീഫൻ ദേവസിയുടെ ഫ്യൂഷന്‍ ഫെസ്റ്റ് സംഗീത വിരുന് ന് വെള്ളിയാഴ്ച അൽ ഫലാജ് ഹോട്ടലിൽ അരങ്ങേറും. താല്‍ ഇവൻറ്സ് ആണ് സംഘാടകർ. സ്റ്റീഫൻ ദേവസിയുടെ നേതൃത്വത്തിലുള്ള ആറംഗ സോളിഡ് ബാൻഡ് ഒമാനില്‍ ആദ്യമായി അവതരിപ്പിക്കുന്ന പരിപാടിയാണ്.
ഫ്യൂഷൻ സംഗീതത്തിന് അകമ്പടിയായി പിന്നണി ഗായകരായ ഹരിശങ്കര്‍, സിതാര എന്നിവരും വേദിയിലെത്തും.
സംവിധായകനും നടനുമായ രമേശ് പിഷാരടിയാണ് പരിപാടിയുടെ അവതാരകന്‍. ഒമാനിലെ കലാസ്വാദകര്‍ക്ക് മികച്ച സംഗീത വിരുന്നാകും പരിപാടിയെന്ന് സ്റ്റീഫൻ ദേവസിയും രമേഷ് പിഷാരടിയും ഹരിശങ്കറും സിതാരയും വാർത്തസമ്മേളനത്തിൽ പറഞ്ഞു. മലയാളികൾ അല്ലാത്തവർക്കും ആസ്വദിക്കാവുന്ന രീതിയിലാണ് പരിപാടി അണിയിച്ചൊരുക്കിയിട്ടുള്ളത്. പിഷാരടിയുടെ സംഗീത നമ്പറും ഉണ്ടാകും. താല്‍ ഇവൻറ് പ്രതിനിധി ഷിലിന്‍ പൊയ്യാറ, അഫ്ലാഗ് ഫാർമസി ജനറൽ മാനേജർ തോമസ് ജോൺ, പ്രോഗ്രാം കോഒാഡിനേറ്റർ സാബു കോശി എന്നിവരും വാർത്തസമ്മേളനത്തിൽ പെങ്കടുത്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.