ഒമാൻ വിദേശകാര്യമന്ത്രി സയ്യിദ് ബദർ ബിൻ ഹമദ് അൽ ബുസൈദി ജർമൻ സ്റ്റേറ്റ് സെക്രട്ടറി ആൻഡ്രിയാസ് മൈക്കിലിസുമായി കൂടിക്കാഴ്ച നടത്തുന്നു
മസ്കത്ത്: ഒമാൻ വിദേശകാര്യമന്ത്രി സയ്യിദ് ബദർ ബിൻ ഹമദ് അൽ ബുസൈദി ജർമൻ ഫെഡറൽ ഫോറിൻ ഓഫിസിൽ സ്റ്റേറ്റ് സെക്രട്ടറി ആൻഡ്രിയാസ് മൈക്കിലിസുമായി കൂടിക്കാഴ്ച നടത്തി. സുൽത്താൻ ഹൈതം ബിൻ താരിഖിന്റെ ജർമൻ സന്ദർശനത്തിന്റെ ഭാഗമായായിരുന്നു കൂടിക്കാഴ്ച. ഒമാനും ജർമനിയും തമ്മിൽ വിവിധ മേഖലകളിൽ നിലവിലുള്ള സഹകരണത്തെ കുറിച്ച് കൂടിക്കാഴ്ചയിൽ അവലോകനം ചെയ്തു. ഇരു രാജ്യങ്ങളും തമ്മിലുള്ള ബന്ധം വിശാലമാക്കാനും കൂടുതൽ സഹകരണവും പങ്കാളിത്തവും കൈവരിക്കാൻ, പ്രത്യേകിച്ച് സാമ്പത്തികം, നിക്ഷേപം, പുനരുൽപ്പാദന-ഹരിത ഊർജ മേഖലകളിലടക്കം സുൽത്താന്റെ സന്ദർശനം സഹായകമാകുമെന്ന് ഇരുവിഭാഗവും പറഞ്ഞു.
പ്രാദേശിക, അന്തർദേശീയ രംഗങ്ങളിലെ നിരവധി വിഷയങ്ങളിൽ വീക്ഷണങ്ങൾ കൈമാറുകയും ചെയ്തു. ഇരു രാജ്യങ്ങളിലെയും അംഗീകൃത അംബാസഡർമാർ ഉൾപ്പെടെ മുതിർന്ന ഉദ്യോഗസ്ഥർ യോഗത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.