മസ്കത്ത്: ഒമാനിലെ കലാ-സാംസ്കാരിക കൂട്ടായ്മയായ ഏകത- മസ്കത്തിെൻറ ആഭിമുഖ്യത്തി ലുള്ള നവരാത്രി സംഗീതോത്സവത്തിന് ഇന്ന് തുടക്കമാകും. തുടർച്ചയായി രണ്ടാം വർഷമാണ് ഏകതാ മസ്കത്ത് സംഗീതോത്സവം സംഘടിപ്പിക്കുന്നത്. വൈകീട്ട് ഏഴിന് റൂവി അൽ മാസാ ഹാളിൽ നടക്കുന്ന ചടങ്ങിൽ ഇന്ത്യൻ അംബാസഡർ മുനു മഹാവർ സംഗീതോത്സവം ഉദ്ഘാടനം ചെയ്യും. തുടർച്ചയായ ഒമ്പത് ദിവസം നാട്ടിൽനിന്നും ഒമാനിൽനിന്നുമുള്ള സംഗീതജ്ഞർ കച്ചേരികൾ അവതരിപ്പിക്കും. സമാപന ദിവസമായ ഒക്ടോബർ ഏഴിന് വിശിഷ്ടാതിഥികൾ പങ്കെടുക്കുന്ന ചടങ്ങിൽ കർണാടക സംഗീതത്തിന് വിശിഷ്ട സംഭാവനകൾ നൽകിയ വ്യക്തിക്ക് സംഗീത സുധാ നിഥി അവാർഡ് നൽകും. കൂടാതെ 24ലധികം സംഗീതം അഭ്യസിക്കുന്ന കുരുന്നുകൾക്ക് ഒക്ടോബർ 4, 5 തീയതികളിൽ സംഗീതാർച്ചന ചെയ്യുന്നതിനും സൗകര്യമുണ്ടാകും.
കോന്നിയൂർ സുരേഷ് ആദ്യ ദിവസം കച്ചേരി അവതരിപ്പിക്കുക. മാത്യു തോമസിെൻറ കച്ചേരിയോടെയാകും സംഗീേതാത്സവം സമാപിക്കുക.
ഇന്ത്യൻ കലാരൂപങ്ങളെ പ്രോത്സാഹിപ്പിക്കുന്നതിനുള്ള ഇത്തരം പരിപാടികൾ വീണ്ടും സംഘടിപ്പിക്കുമെന്നും ഭാരവാഹികൾ അറിയിച്ചു. ഏകത മസ്കത്ത് ഭാരവാഹികളായ കിഷോർ പുളിക്കൽ, അരവിന്ദ്, ഗിരീഷ്, സതീഷ് എന്നിവർ വാർത്തസമ്മേളനത്തിൽ പങ്കെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.