Posted On
date_range Updated On
date_range കോവിഡ്: ആലപ്പുഴ സ്വദേശി ഒമാനിൽ മരിച്ചു
മസ്കത്ത്: കോവിഡ് ബാധിച്ച് ചികിത്സയിലിരുന്ന ഒരു മലയാളി കൂടി ഒമാനിൽ മരിച്ചു. ആലപ്പുഴ വടുതല സ്വദേശി ഷിഹാബുദ്ദീൻ (50) ആണ് ഞായറാഴ്ച വൈകുന്നേരം അൽ ഖുവൈറിലെ സ്വകാര്യ ആശുപത്രിയിൽ മരണപ്പെട്ടത്. ഹൃദയാഘാതം മൂലമാണ് മരണം സംഭവിച്ചത്.
മസ്കത്തിലെ റൂവിയിൽ കുടുംബ സമേതം താമസിച്ചിരുന്ന ഷിഹാബുദ്ദീന് ജൂൺ 24നാണ് കോവിഡ് സ്ഥിരീകരിച്ചത്. വീട്ടിൽ െഎസോലേഷനിലായിരുന്ന ഇദ്ദേഹത്തെ ശ്വാസം മുട്ടൽ അനുഭവപ്പെട്ടതിനെ തുടർന്ന് 27ന് അൽ ഗൂബ്രയിലെ സ്വകാര്യ ആശുപത്രിയിൽ പ്രവേശിപ്പിച്ചു.
ആരോഗ്യനില വഷളായ ഷിഹാബുദ്ദീനെ ഞായറാഴ്ച ഉച്ചയോടെയാണ് അൽഖുവൈറിലെ ആശുപത്രിയിലേക്ക് മാറ്റിയത്. വൈകുന്നേരത്തോടെ മരണം സംഭവിക്കുകയും ചെയ്തു.
ഭാര്യ വഹീദ. രണ്ട് മക്കളുണ്ട്. 20 വർഷമായി ഒമാനിലുള്ള ഇദ്ദേഹം ടെക്സ്റ്റൈൽ ബിസിനസ് രംഗത്ത് പ്രവർത്തിച്ചുവരികയായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.