സലാല: നൂർ ഗസൽ റാമീസ് ഷോപ്പിങ് സെൻററുമായി ചേർന്ന് പാചകമത്സരം സംഘടിപ്പിച്ചു. സനാഇയ്യയിലെ ഷോപ്പിങ് സെൻററിൽ നടന്ന മത്സരത്തിൽ വിവിധ രാജ്യക്കാരായ കുടുംബിനികൾ പങ്കെടുത്തു. ഒമാനി ചിക്കൻ ബിരിയാണി ഉണ്ടാക്കിയ ഉമ്മു മുഹമ്മദ് ഒന്നാം സ്ഥാനവും ഈജിപ്ഷ്യൻ ഫിഷ് ബിരിയാണി തയാറാക്കിയ സുഹർ മുഹമ്മദ് രണ്ടാം സ്ഥാനവും നേടി. കേരള മട്ടൻ കറിയും നെയ് പത്തിരിയും ഉണ്ടാക്കിയ റജിഷ ഷൈജുവാണ് മൂന്നാമതെത്തിയത്. വിജയികൾക്ക് മുഖ്യാതിഥിയും ദീവാൻ ഓഫ് റോയൽ കോർട്ട് അസി. മാനേജറുമായ അബൂബക്കർ സാലം അത്തീഖ്, റാമീസ് ബ്രാഞ്ച് മാനേജർ ഫയാസ് അൽ നജ്ജാർ, നൂർ ഗസൽ റീജ്യനൽ മാനേജർ ജനീഷ കാട്ടകത്ത് എന്നിവർ സമ്മാനങ്ങൾ വിതരണം ചെയ്തു. ഒസാമ അബ്ദുറഹീം, പ്രവീൺ കുന്നത്ത് എന്നിവർ പരിപാടിക്ക് നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.