മസ്കത്ത്: ഏഴാമത് ഹൈമ വാർഷിക ഒട്ടകയുത്സവം സമാപിച്ചു. ഇൻഫർമേഷൻ മന്ത്രി ഡോ.അബ്ദുൽമുനീം ബിൻ മൻസൂർ ഹസനിയുടെ രക്ഷാകർതൃത്വത്തിലായിരുന്നു സമാപന ചടങ്ങുകൾ. വിലായത്തിലെ ഒട്ടകയോട്ട കമ്മിറ്റിയുടെ നേതൃത്വത്തിലാണ് പരിപാടി നടന്നത്. മജ്ലിസുശ്ശൂറ അംഗം ഡോ. ഹമൂദ് ബിൻ മുഹമ്മദ് അൽ ഹർസോസിയായിരുന്നു ജനറൽ സൂപ്പർവൈസർ. ആറു റൗണ്ടുകളിലായാണ് മത്സരം നടന്നത്. ആദ്യദിനത്തിൽ ഹൈമയിലെ പ്രദേശവാസികളുടെ ഒട്ടകങ്ങളാണ് പെങ്കടുത്തത്. രണ്ടാംദിനത്തിൽ വിവിധ ഗവർണറേറ്റുകളിൽനിന്നുള്ള ഒട്ടകങ്ങളും മാറ്റുരച്ചു. വിജയികളായ ഒട്ടകങ്ങളുടെ ഉടമകൾക്ക് മന്ത്രി സമ്മാനങ്ങൾ നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.