മസ്കത്ത്: വിനോദസഞ്ചാര മന്ത്രാലയത്തിെൻറ ആഭിമുഖ്യത്തിൽ അറബ് ടൂറിസം ദിനാഘോഷം നടന്നു. വിനോദസഞ്ചാരവും സുസ്ഥിര വികസനവും എന്ന ആശയത്തിലൂന്നിയായിരുന്നു ഇൗ വർഷത്തെ ദിനാഘോഷം. മന്ത്രാലയം ആസ്ഥാനത്ത് നടന്ന ആഘോഷ പരിപാടിയിൽ മന്ത്രാലയം അണ്ടർ സെക്രട്ടറി മൈഥ ബിൻത് സൈഫ് അൽ മഹ്റൂഖിയ, അറബ് ടൂറിസം ഒാർഗനൈസേഷൻ ചെയർമാൻ ഡോ. ബന്ദർ ബിൻ ഫഹദ് അൽ ഫാഹിദ് തുടങ്ങിയവർ സംബന്ധിച്ചു.
യോഗത്തിൽ ടൂറിസം മന്ത്രി അഹമ്മദ് ബിൻ നാസർ അൽ മെഹ്രീസിക്കുള്ള അറബ് ടൂറിസം അവാർഡ് അണ്ടർ സെക്രട്ടറി ഏറ്റുവാങ്ങി. സൗദി അൽ ഖാസിം പ്രവിശ്യ ഗവർണറായ ഫൈസൽ ബിൻ മിഷാൽ ബിൻ സൗദ് ബിൻ അബ്ദുൽ അസീസിന് ശേഷം അറബ് ലോകത്ത് ഇൗ പുരസ്കാരം ലഭിക്കുന്ന രണ്ടാമത്തെയാളാണ് അൽ മെഹ്രീസി. മൊറോക്കൻ യാത്രികനായ ഇബ്നുബതൂത്തയുടെ ജന്മദിനമാണ് അറബ് ടൂറിസം ദിനമായി ആചരിക്കുന്നത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.