അ​റേ​ബ്യ​ൻ ക​ട​ൽ കൂ​ന​ൻ തി​മിം​ഗ​ലം അ​ൽ വു​സ്ത​യി​ൽ ച​ത്ത് ക​ര​ക്ക​ടി​ഞ്ഞു

മ​സ്ക​ത്ത്: ഒ​മാ​ൻ തീ​ര​ത്ത് അ​പൂ​ർ​വ അ​റേ​ബ്യ​ൻ ക​ട​ൽ കൂ​ന​ൻ തി​മിം​ഗ​ലം ച​ത്ത് ക​ര​ക്ക​ടി​ഞ്ഞു. അ​ൽ വു​സ്ത ഗ​വ​ർ​ണ​റേ​റ്റി​ലെ അ​ൽ ജാ​സി​ർ തീ​ര​ത്ത് ക​ഴി​ഞ്ഞ ദി​വ​സ​മാ​ണ് തി​മി​ഗം​ലം ച​ത്ത നി​ല​യി​ൽ കാ​ണ​​പ്പെ​ട്ട​ത്. വാ​ലി ഓ​ഫീ​സ്, റോ​യ​ൽ ഒ​മാ​ൻ പൊ​ലീ​സ്, കൃ​ഷി, മ​ത്സ്യ​ബ​ന്ധ​നം, ജ​ല​വി​ഭ​വ മ​ന്ത്രാ​ല​യം എ​ന്നി​വ​യു​ൾ​പ്പെ​ടെ വി​വി​ധ അ​ധി​കാ​രി​ക​ൾ ഏ​കോ​പി​പ്പി​ച്ച ന​ട​പ​ടി​ക​ൾ എ​ടു​ത്തി​ട്ടു​ണ്ട്. തി​മിം​ഗം​ല​ത്തി​ന്റെ മ​ര​ണ​കാ​ര​ണം ക​ണ്ടെ​ത്താ​നാ​യി രീ​തി​ശാ​സ്ത്ര​പ​ര​വും ശാ​സ്ത്രീ​യ​വു​മാ​യ രീ​തി​യി​ൽ സ്ഥി​തി​ഗ​തി​ക​ൾ കൈ​കാ​ര്യം ചെ​യ്യു​ന്നു​ണ്ടെ​ന്ന് പ​രി​സ്ഥി​തി അ​തോ​റി​റ്റി അ​റി​യി​ച്ചു.

പ്ര​ദേ​ശ​ത്തി​ന്റെ വെ​ല്ലു​വി​ളി നി​റ​ഞ്ഞ ഭൂ​പ്ര​കൃ​തി കാ​ര​ണം, പ്ര​ക്രി​യ ഫ​ല​പ്ര​ദ​മാ​യി ന​ട​ക്കു​ന്നു​ണ്ടെ​ന്ന് ഉ​റ​പ്പാ​ക്കാ​ൻ ഫ്യൂ​ച​ർ സീ​സ് ക​മ്പ​നി​യു​ടെ സ​ഹാ​യ​ത്തോ​ടെ അ​വ​ശ്യ ഡാ​റ്റ​യും സാ​മ്പി​ളു​ക​ളും ശേ​ഖ​രി​ച്ചു വ​രി​ക​യാ​ണെ​ന്നും അ​ധി​കൃ​ത​ർ അ​റി​യി​ച്ചു. അ​റേ​ബ്യ​ൻ ക​ട​ൽ കൂ​ന​ൻ തി​മിം​ഗ​ല​ത്തെ അ​പൂ​ർ​വ​വും വം​ശ​നാ​ശ​ഭീ​ഷ​ണി നേ​രി​ടു​ന്ന​തു​മാ​യ ജീ​വി​യാ​യി ഇ​ന്റ​ർ​നാ​ഷ​ന​ൽ യൂ​നി​യ​ൻ ഫോ​ർ ക​ൺ​സ​ർ​വേ​ഷ​ൻ ഓ​ഫ് നേ​ച​റി​ന്റെ റെ​ഡ് ലി​സ്റ്റി​ൽ ഉ​ൾ​പ്പെ​ടു​ത്തി​യി​ട്ടു​ണ്ട്. ഒ​മാ​ന്റെ ക​ട​ലി​ൽ വ​സി​ക്കു​ന്ന 20 തി​മിം​ഗ​ല ഇ​ന​ങ്ങ​ളി​ൽ ഒ​ന്നാ​ണി​ത്. അ​ന്വേ​ഷ​ണം പൂ​ർ​ത്തി​യാ​യി​ക്ക​ഴി​ഞ്ഞാ​ൽ, തി​മിം​ഗ​ല​ത്തെ ഉ​ചി​ത​മാ​യ സ്ഥ​ല​ത്ത് സം​സ്ക​രി​ക്കും.

ഇ​ത്ത​രം സം​ഭ​വ​ങ്ങ​ളെ​ക്കു​റി​ച്ച് അ​വ​ബോ​ധം വ​ള​ർ​ത്തു​ന്ന​തി​ൽ സ​ഹ​ക​രി​ച്ച​തി​ന് പ​ങ്കെ​ടു​ക്കു​ന്ന ഏ​ജ​ൻ​സി​ക​ൾ​ക്കും പ്രാ​ദേ​ശി​ക സ​മൂ​ഹ​ത്തി​നും പ​രി​സ്ഥി​തി അ​തോ​റി​റ്റി​ക്കും ന​ന്ദി അ​റി​യി​ച്ചു. അ​റേ​ബ്യ​ൻ കൂ​ന​ൻ തി​മിം​ഗ​ല​ങ്ങ​ൾ മ​റ്റു തി​മിം​ഗ​ല​ങ്ങ​ളി​ൽ നി​ന്ന് ഏ​റെ വ്യ​ത്യ​സ്ഥ​മാ​ണ്. രൂ​പം, നി​റം എ​ന്നി​വ​യും വ്യ​ത്യ​സ്ഥ​മാ​ണ്. ഇ​വ​യു​ടെ വാ​ലി​ൽ ഒ​രു മ​റു​കു​ണ്ടാ​വും. ഇ​വ വ​ലി​യ രീ​തി​യി​ൽ വം​ശ​നാ​ശ ഭീ​ഷ​ണി നേ​രി​ടു​ക​യാ​ണ്. ഏ​റെ അ​പൂ​ർ​വ​മാ​യ ഇ​ത്ത​രം തി​മിം​ഗ​ലം 100 എ​ണ്ണ​ത്തെ മാ​ത്ര​മാ​ണ് ക​ണ്ടെ​ത്താ​ൻ ക​ഴി​ഞ്ഞ​ത്.