മസ്കത്ത്: മണി എക്സ്ചേഞ്ചുകള് വഴി ഡെബിറ്റ് കാര്ഡ് ഉപയോഗിച്ച് അയക്കാവുന്ന തുക ബാങ്ക് മസ്കത്ത് പരിമിതപ്പെടുത്തി. ആയിരം റിയാല് മാത്രമാണ് ഇപ്പോള് അയക്കാന് സാധിക്കുക. കഴിഞ്ഞ ആഗസ്റ്റ് 15 മുതലാണ് ഈ നിയന്ത്രണം പ്രാബല്യത്തില് വന്നത്. ഡെബിറ്റ്കാര്ഡ് ഇടപാടുകള്ക്ക് ബഹുഭൂരിപക്ഷം എക്സ്ചേഞ്ചുകളും ബാങ്ക് മസ്കത്തിനെയാണ് ആശ്രയിക്കുന്നത് എന്നതിനാല് നിയന്ത്രണം ഒരു വിഭാഗം ഇടപാടുകാരെ ബാധിച്ചിട്ടുണ്ട്. ഉയര്ന്ന ശമ്പളം വാങ്ങുന്നവര്ക്ക് ഒപ്പം അത്യാവശ്യഘട്ടങ്ങളില് വലിയ തുക അയക്കേണ്ടിവരുന്നവര്ക്കും നിയന്ത്രണം വിനയാകുന്നുണ്ട്.
ശമ്പളം ബാങ്കില് സ്വരുക്കൂട്ടി വെച്ചശേഷം നിരക്ക് ഉയരുമ്പോള് പണം അയക്കുന്നവര്ക്കും നിയന്ത്രണം പ്രതികൂലമായി ബാധിക്കുന്നുണ്ട്. എ.ടി.എമ്മില്നിന്ന് ദിവസം അറുനൂറ് റിയാല് മാത്രമേ എടുക്കാന് സാധിക്കൂവെന്നതിനാല് അധിക തുക അയക്കണമെന്നുള്ളവര് പണം നേരത്തേ എടുത്ത് കൈയില് കരുതേണ്ട അവസ്ഥയാണ്. ഉപഭോക്താക്കള്ക്ക് ഏറെ ബുദ്ധിമുട്ടുണ്ടാക്കുന്ന തീരുമാനത്തിനെതിരെ ബാങ്ക് മസ്കത്ത് അധികൃതര്ക്കും സെന്ട്രല് ബാങ്കിനും പരാതി നല്കിയിട്ടുണ്ടെങ്കിലും ഇതുവരെ തീരുമാനമൊന്നും ഉണ്ടായിട്ടില്ളെന്ന് അല് ജദീദ് എക്സ്ചേഞ്ച് ജനറല് മാനേജര് ബി.രാജന് ‘ഗള്ഫ് മാധ്യമ’ത്തോട് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.