കുവൈത്ത് സിറ്റി: തൊഴിലാളികള്ക്ക് വിസ അനുവദിക്കണമെന്ന ഈജിപ്ഷ്യൻ അധികൃതരുടെ അഭ്യർഥന തള്ളി. ഈജിപ്ഷ്യൻ തൊഴിലാളികള്ക്കുള്ള വിസ വിലക്ക് തുടരുമെന്ന് പബ്ലിക് അതോറിറ്റി ഓഫ് മാൻപവർ വ്യക്തമാക്കി.
കുവൈത്തില് ഈജിപ്തുകാര്ക്ക് എല്ലാവിധ വിസകളും അനുവദിക്കുന്നത് താൽക്കാലികമായി നിര്ത്തി വെച്ചിരിക്കുകയാണ്. വ്യാജ തൊഴില് കമ്പനികളുടെ ഫയലുകളിൽ ഈജിപ്ഷ്യൻ തൊഴിലാളികളെ റിക്രൂട്ട് ചെയ്ത് കുവൈത്തിലേക്ക് അയച്ചതിനെ തുടര്ന്നാണ് താല്ക്കാലിക വിലക്കേര്പ്പെടുത്തിയത്. എന്നാല്, നിലവില് രാജ്യത്ത് കഴിയുന്നവര്ക്കും കുവൈത്തില് താമസ അനുമതിയുള്ളവര്ക്കും വിലക്ക് ബാധകമല്ല.
ഈജിപ്ഷ്യൻ തൊഴിലാളികളെ കൊണ്ടുവരാൻ രാജ്യത്തെ കമ്പനികൾക്ക് പബ്ലിക് അതോറിറ്റി ഓഫ് മാൻപവർ ഇളവ് നൽകിയെന്ന വാര്ത്തകളും അധികൃതര് നിഷേധിച്ചു. ഇരു രാജ്യങ്ങളും തമ്മില് നേരത്തേ ഉണ്ടായിരുന്ന ഇലക്ട്രോണിക് ലേബർ ലിങ്ക് റദ്ദാക്കിയതായും അതിലേക്ക് തിരികെ പോകാനുള്ള സാധ്യതയില്ലെന്നും ഔദ്യോഗിക വൃത്തങ്ങളെ ഉദ്ധരിച്ച് പ്രാദേശിക മാധ്യമമായ കുവൈത്ത് ടൈംസ് റിപ്പോര്ട്ട് ചെയ്തു. കുവൈത്തിലെ ഏറ്റവും വലിയ രണ്ടാമത്തെ പ്രവാസിസമൂഹമാണ് ഈജിപ്തുകാര്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.