കുവൈത്ത് പ്രതിനിധികൾ യുനെസ്കോ യോഗത്തിൽ
കുവൈത്ത് സിറ്റി: യുനെസ്കോ അദൃശ്യ സാംസ്കാരിക പൈതൃക സംരക്ഷണത്തിനായുള്ള ഇന്റർ ഗവൺമെന്റൽ കമ്മിറ്റിയുടെ 17ാമത് സെഷൻ മൊറോക്കോയിൽ സമാപിച്ചു. കുവൈത്ത് ഉൾപ്പെടെയുള്ള അംഗരാജ്യങ്ങളുടെ പ്രതിനിധികൾ, സർക്കാറിതര സംഘടനകൾ, 180 രാജ്യങ്ങളിൽ നിന്നുള്ള പങ്കാളികൾ എന്നിവർ യോഗത്തിൽ പങ്കെടുത്തു.
60 രാജ്യങ്ങൾ നാലു വിഭാഗങ്ങളായി തിരിച്ച് സമർപ്പിച്ച യുനെസ്കോ അദൃശ്യ സാംസ്കാരിക പൈതൃകപട്ടികയിൽ 47 പുതിയ ഇനങ്ങൾ ഉൾപ്പെടുത്തുന്നതിന് സെഷൻ തീരുമാനമെടുത്തു. അൽ സദു സൊസൈറ്റിയെ പ്രതിനിധാനംചെയ്ത് കുവൈത്ത് സമർപ്പിച്ച 'ഗുഡ് സേഫ്ഗാർഡിങ് പ്രാക്ടിസ്' ഫയൽ ഉൾപ്പെടുത്തുന്നതിന് കമ്മിറ്റി അംഗീകാരം നൽകി. സ്ലൊവാക്യ, സ്വിറ്റ്സർലൻഡ്, പെറു, ബംഗ്ലാദേശ് എന്നിവക്കൊപ്പം മൊറോക്കോയെ കമ്മിറ്റിയുടെ വൈസ് പ്രസിഡന്റായി തിരഞ്ഞെടുത്തു. ബൊട്സ്വാനയും ചെക്ക് റിപ്പബ്ലിക്കുമാണ് സമിതിയുടെ അധ്യക്ഷന്മാർ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.