ക​പ്പ​ലി​ൽ ല​ഹ​രി ക​ട​ത്താ​ൻ ശ്ര​മം: ര​ണ്ടു പേ​ർ പി​ടി​യി​ൽ

കു​വൈ​ത്ത് സി​റ്റി: ച​ര​ക്ക് ക​പ്പ​ലി​ൽ രാ​ജ്യ​​ത്തേ​ക്ക് ല​ഹ​രി ക​ട​ത്താ​നു​ള്ള ശ്ര​മം കു​വൈ​ത്ത് സു​ര​ക്ഷ സേ​ന പ​രാ​ജ​യ​പ്പെ​ടു​ത്തി. സം​ഭ​വ​വു​മാ​യി ബ​ന്ധ​പ്പെ​ട്ട് ര​ണ്ടു പേ​രെ അ​റ​സ്റ്റ് ചെ​യ്ത​താ​യി ആ​ഭ്യ​ന്ത​ര മ​ന്ത്രാ​ല​യം അ​റി​യി​ച്ചു.

ഏ​ക​ദേ​ശം 110 കി​ലോ​ഗ്രാം ക​ഞ്ചാ​വ് കു​വൈ​ത്തി​ൽ എ​ത്തി​ക്കാ​നാ​യി​രു​ന്നു ശ്ര​മം. പ്ര​തി​ക​ളി​ൽ നി​ന്ന് 6,000 കാ​പ്റ്റ​ഗ​ൺ ഗു​ളി​ക​ക​ളും അ​ഞ്ച് ഗ്രാം ​മെ​ത്താം​ഫി​റ്റാ​മിനു​ക​ളും പി​ടി​ച്ചെ​ടു​ത്തു.

ജ​ന​റ​ൽ അ​ഡ്മി​നി​സ്ട്രേ​ഷ​ൻ ഓ​ഫ് ക​സ്റ്റം​സു​മാ​യു​ള്ള സ​ഹ​ക​ര​ണ​ത്തി​ൽ ഷു​വൈ​ഖ് തു​റ​മു​ഖ​ത്ത് നി​ന്നാ​ണ് ല​ഹ​രി​വ​സ്തു​ക്ക​ൾ പി​ടി​ച്ചെ​ടു​ത്ത​ത്. വി​ദേ​ശ​ത്ത് നി​ന്ന് കൊ​ണ്ടു​വ​ന്ന മാ​ർ​ബി​ൾ സ്ലാ​ബു​ക​ൾ​ക്കു​ള്ളി​ൽ സ​മ​ർ​ഥമാ​യി ഒ​ളി​പ്പി​ച്ച നി​ല​യി​ലാ​യി​രു​ന്നു ല​ഹ​രി​വ​സ്തു​ക്ക​ൾ. തു​റ​മു​ഖ​ത്ത് അ​ടു​ത്തി​ടെ ന​ട​ന്ന ഏ​റ്റ​വും വ​ലി​യ മ​യ​ക്കു​മ​രു​ന്ന് പി​ടി​ച്ചെ​ടു​ക്ക​ലു​ക​ളി​ലൊ​ന്നാ​ണി​ത്.

അ​റ​സ്റ്റി​ലാ​യ പ്ര​തി​ക​ളെ നി​യ​മ​ന​ട​പ​ടി​ക​ൾ​ക്കാ​യി ബ​ന്ധ​പ്പെ​ട്ട അ​ധി​കാ​രി​ക​ൾ​ക്ക് കൈ​മാ​റി. മ​യ​ക്കു​മ​രു​ന്ന് ക​ട​ത്ത്, വി​ൽ​പ​ന, ഉ​പ​യോ​ഗം എ​ന്നി​വ​ക്കെ​തി​രെ ക​ർ​ശ​ന ന​ട​പ​ടി​ക​ൾ തു​ട​രു​മെ​ന്നും കു​റ്റ​കൃ​ത്യ​ങ്ങ​ളി​ൽ പ​ങ്കാ​ളി​ക​ളാ​ണെ​ന്ന് ക​ണ്ടെ​ത്തു​ന്ന എ​ല്ലാ​വ​ർ​ക്കു​മെ​തി​രെ വി​ട്ടു​വീ​ഴ്ച​യി​ല്ലാ​ത്ത നി​യ​മ​ന​ട​പ​ടി സ്വീ​ക​രി​ക്കു​മെ​ന്നും ആ​ഭ്യ​ന്ത​ര മ​ന്ത്രാ​ല​യം വ്യ​ക്ത​മാ​ക്കി.