കുവൈത്ത് സിറ്റി: കുവൈത്ത് കിരീടാവകാശി ശൈഖ് മിശ്അൽ അൽ അഹ്മദ് അൽ ജാബിർ അസ്സബാഹിന്റെ പേരിലുള്ള ക്രൗൺപ്രിൻസ് കപ്പ് ഫുട്ബാൾ ടൂർണമെൻറിന്റെ ഫൈനൽ ചൊവ്വാഴ്ച നടക്കും. കിരീടാവകാശിയാണ് ടൂർണമെൻറ് സ്പോൺസർ ചെയ്യുന്നത്. ഫൈനൽ മത്സരത്തിന് അദ്ദേഹം എത്തുമെന്ന് അറിയിച്ചിട്ടുണ്ട്. കുവൈത്ത് സ്പോർട്ടിങ് ക്ലബും അൽ അറബിയും തമ്മിലാണ് കലാശപ്പോരാട്ടം. വൈകീട്ട് 6.20 മുതൽ ശൈഖ് ജാബിർ ഇൻറർനാഷനൽ സ്റ്റേഡിയത്തിലാണ് മത്സരം.
കുവൈത്തിലെ പ്രമുഖ ആഭ്യന്തര ഫുട്ബാൾ ടൂർണമെൻറുകളിലൊന്നാണ് ക്രൗൺ പ്രിൻസ് കപ്പ്. കുവൈത്ത് സ്പോർട്ടിങ് ക്ലബ് ഏകപക്ഷീയമായ നാല് ഗോളിന് ഫഹാഹീലിനെയും അൽ അറബി രണ്ട് ഗോളിന് സാൽമിയയെയും സെമിഫൈനലിൽ തകർത്താണ് കലാശക്കളിയിലേക്ക് മുന്നേറിയത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.