കുവൈത്ത് സിറ്റി: കുവൈത്ത് സെന്റർ ഫോർ മെന്റൽ ഹെൽത്തിൽ വനിത ഡോക്ടർ കൈയേറ്റത്തിനിരയായി. സംഭവത്തെ ആരോഗ്യ മന്ത്രാലയം അപലപിച്ചു. നിയമനടപടി ആരംഭിച്ചതായും കുറ്റക്കാർക്ക് ശിക്ഷ ഉറപ്പുവരുത്തുമെന്നും അധികൃതർ വ്യക്തമാക്കി. ഡോക്ടർമാർ ഉൾപ്പെടെ ആരോഗ്യ പ്രവർത്തകർക്കെതിരായ അതിക്രമം ആവർത്തിക്കുന്നതിനെതിരെ പ്രതിഷേധവുമായി കുവൈത്ത് മെഡിക്കൽ അസോസിയേഷനും രംഗത്തെത്തി. രോഗികളും കൂടെ എത്തുന്നവരും ചെറിയ കാരണങ്ങൾക്കും അകാരണമായും പ്രകോപിതരാവുകയും കൈയേറ്റത്തിന് മുതിരുകയും ചെയ്യുന്നത് ആവർത്തിക്കുകയാണ്. ഡോക്ടർമാർക്കും ആരോഗ്യ ജീവനക്കാർക്കുമെതിരായ അതിക്രമങ്ങൾ ആവർത്തിക്കുന്ന പശ്ചാത്തലത്തിൽ ഇതിന് തടയിടാൻ കർശന ശിക്ഷ ഉറപ്പുവരുത്തുന്ന നിയമനിർമാണം നടത്തണമെന്നാണ് ആരോഗ്യ പ്രവർത്തകരുടെ ആവശ്യം.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.