കുവൈത്ത് സിറ്റി: ഡിസംബറിൽ ഇറാഖിലെ ബസറയിൽ നടത്താൻ നിശ്ചയിച്ച അറേബ്യൻ ഗൾഫ് കപ്പ് ഫുട്ബാൾ ടൂർണമെൻറ് 2023ലേക്ക് മാറ്റി. അറബ് ഗൾഫ് കപ്പ് ഫെഡറേഷൻ മേധാവി ജാസിം അൽ റുമൈഹി അറിയിച്ചതാണിത്. കോവിഡ് പശ്ചാത്തലവും പെങ്കടുക്കേണ്ട ടീമുകൾക്ക് തിരക്കേറിയ ഷെഡ്യൂൾ ആയതും കണക്കിലെടുത്താണ് ടൂർണമെൻറ് മാറ്റിവെക്കാൻ തീരുമാനിച്ചത്.
25ാമത് എഡിഷനാണ് ഇനി നടക്കാനുള്ളത്. കുവൈത്ത്, ഖത്തർ, യു.എ.ഇ, സൗദി, ഇറാഖ്, ഒമാൻ, ബഹ്റൈൻ, യമൻ ടീമുകളാണ് മത്സരിക്കുക. കഴിഞ്ഞ തവണ ബഹ്റൈൻ ജേതാക്കളും സൗദി രണ്ടാം സ്ഥാനക്കാരുമായിരുന്നു.
ടൂർണമെൻറിെൻറ ചരിത്രത്തിൽ ഏറ്റവും കൂടുതൽ തവണ വിജയികളായിട്ടുള്ളത് കുവൈത്ത് ആണ്. 1970, 1972, 1974, 1976, 1982, 1986, 1990, 1996, 1998, 2010 വർഷങ്ങളിൽ ജേതാക്കളായ കുവൈത്ത് ഇപ്പോൾ പ്രതാപകാലത്തിെൻറ നിഴലിലാണ്.
ഖത്തർ, സൗദി, ഇറാഖ് ടീമുകൾ മൂന്നുതവണ വീതവും യു.എ.ഇ, ഒമാൻ എന്നിവ രണ്ട് തവണയും ബഹ്റൈൻ ഒരുവട്ടവും കിരീടം ചൂടി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.