മിശ്രിഫ്: കെഫാക് അന്തര് ജില്ലാ ഫുട്ബാൾ ടൂർണ്ണമെൻറ് എട്ടാംവാരത്തിൽ കോഴിക്കോട്, തിരുവനന്തപുരം, വയനാട് ടീമുകൾക്ക് ജയം. മാസ്റ്റേഴ്സ് ലീഗിൽ എംഫാക് മലപ്പുറം ഫോക്ക് കണ്ണൂരിനെ പരാജയപ്പെടുത്തിയപ്പോൾ കെ.ഡി.എഫ്.എ കോഴിക്കോടും യുനൈറ്റഡ് കാസർകോടും പാലക്കാടും തൃശൂരും തമ്മിലുള്ള മത്സരങ്ങൾ സമനിലയിൽ അവസാനിച്ചു. ജില്ലാ ലീഗിലെ ആദ്യ മത്സരത്തിൽ തൃശൂരും മലപ്പുറവും ഓരോ ഗോളുകളടിച്ചു സമനിലയില് പിരിഞ്ഞു. മലപ്പുറത്തിന് വേണ്ടി യൂനുസും തൃശൂരിന് വേണ്ടി റിതേഷുമാണ് ഗോളുകൾ നേടിയത്. രണ്ടാം മത്സരത്തിൽ ശക്തരായ കോഴിക്കോട് ഏകപക്ഷീയമായ രണ്ട് ഗോളുകൾക്ക് കണ്ണൂരിനെ പരാജയപ്പെടുത്തി. വിജയികള്ക്ക് വേണ്ടി റഫീഖ്, അനസ് എന്നിവർ ഗോൾ നേടി.
തുടര്ന്ന് നടന്ന മത്സരത്തിൽ പാലക്കാടിനെ ഒന്നിനെതിരെ മൂന്നു ഗോളുകൾക്ക് വയനാട് തോല്പ്പിച്ചു. വയനാടിന് വേണ്ടി ഇർഷാദ്, വികാസ്, ഷാനവാസ് എന്നിവർ ഗോളുകള് നേടിയപ്പോള് പാലക്കാടിന് വേണ്ടി മൻസൂർ ആശ്വാസ ഗോൾ നേടി. അവസാന മത്സരത്തിൽ തിരുവനന്തപുരം ഏകപക്ഷീയമായ രണ്ടുഗോളുകൾക്ക് കാസർകോടിനെ കീഴടക്കി. തിരുവനന്തപുരത്തിന് വേണ്ടി ഡിജു, ഷൈൻ എന്നിവരാണ് ഗോൾ നേടിയത്. മാസ്റ്റേഴ്സ് ലീഗിൽ മാന് ഓഫ് ദി മാച്ചായി ഷാനവാസ് (യുനൈറ്റഡ്- കാസർകോട്) ഷക്കീർ (ട്രാസ്ക് തൃശൂർ) ഉമ്മർ (എംഫാഖ് മലപ്പുറം) എന്നിവരെയും ജില്ലാ ലീഗില് അബ്ദുൽ ബാസിം (മലപ്പുറം) ശ്യാംജിത്ത് (കോഴിക്കോട്) ഷാനവാസ് (വയനാട്) തിരഞ്ഞടുത്തു. വെൽഫെയർ കേരള കുവൈത്ത് ട്രഷറർ ഷൗക്കത്ത് മുഖ്യാതിഥിയായി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.