സാ​ഫ് ക​പ്പ്: ച​രി​ത്ര​ത്തി​ന​രി​​കെ കു​വൈ​ത്ത്

കു​വൈ​ത്ത് സി​റ്റി: സൗ​ത്ത് ഏ​ഷ്യ​ൻ ഫു​ട്ബാ​ൾ ഫെ​ഡ​റേ​ഷ​ൻ (സാ​ഫ്) ക​പ്പി​ൽ ഫൈ​ന​ൽ യോ​ഗ്യ​ത നേ​ടി​യ​തോ​ടെ കു​വൈ​ത്ത് എ​ഴു​തി​യ​ത് മ​റ്റൊ​രു ച​രി​ത്രം. സാ​ഫ് ക​പ്പി​ൽ ഫൈ​ന​ലി​ന് യോ​ഗ്യ​ത നേ​ടു​ന്ന ആ​ദ്യ അ​റ​ബ് ടീ​മാ​ണ് കു​വൈ​ത്ത് ദേ​ശീ​യ ടീം. 1993​ൽ ആ​രം​ഭി​ച്ച സാ​ഫ് ക​പ്പി​ൽ ആ​ദ്യ​മാ​യാ​ണ് കു​വൈ​ത്ത് പ​ങ്കാ​ളി​ക​ളാ​കു​ന്ന​ത്. ആ​ദ്യ ഘ​ട്ട​ത്തി​ൽ ത​ന്നെ ​ഫൈ​ന​ലി​ലെ​ത്താ​നും കു​വൈ​ത്തി​ന് ക​ഴി​ഞ്ഞു.

ഇ​ന്ത്യ, ശ്രീ​ല​ങ്ക, നേ​പ്പാ​ൾ, പാ​കി​സ്താ​ൻ എ​ന്നീ ടീ​മു​ക​ളാ​ണ് 1993ൽ ​പാ​കി​സ്താ​നി​ലെ ലാ​ഹോ​റി​ൽ ന​ട​ന്ന സാ​ഫ് ചാ​മ്പ്യ​ൻ​ഷി​പ്പി​ന്റെ ആ​ദ്യ പ​തി​പ്പി​ൽ പ​ങ്കെ​ടു​ത്ത​ത്. ഇ​തി​ൽ ഇ​ന്ത്യ ​ജേ​താ​ക്ക​ളാ​യി. തു​ട​ർ​ന്ന് മ​റ്റു രാ​ജ്യ​ങ്ങ​ൾ​കൂ​ടി പ​ങ്കാ​ളി​ക​ളാ​യി. ഇ​ന്ത്യ എ​ട്ടു ത​വ​ണ ജേ​താ​ക്ക​ളാ​വു​ക​യും ഈ ​ചാ​മ്പ്യ​ൻ​ഷി​പ്പി​ല​ട​ക്കം 14 ത​വ​ണ ഫൈ​ന​ലി​ൽ പ്ര​വേ​ശി​ക്കു​ക​യും ചെ​യ്തു.

സാ​ഫ് ക​പ്പി​ൽ മു​ത്ത​മി​ട്ട് അ​റ​ബ് മേ​ഖ​ല​യി​ൽ ത​ങ്ങ​ളു​ടെ പ്ര​താ​പം തി​രി​ച്ചു​പി​ടി​ക്കാ​നാ​ണ് കു​വൈ​ത്തി​ന്റെ ല​ക്ഷ്യം. ഇ​തി​ന് മി​ക​ച്ച അ​വ​സ​ര​മാ​യി സാ​ഫ് ക​പ്പി​നെ കു​വൈ​ത്ത് കാ​ണു​ന്നു. അ​റ​ബ് മേ​ഖ​ല​യി​ലെ സ​മ്പ​ന്ന​മാ​യൊ​രു ഫു​ട്ബാ​ൾ ച​രി​ത്രം കു​വൈ​ത്തി​നു​ണ്ട്.

ആ​ദ്യ​മാ​യി ഏ​ഷ്യ​ൻ ക​പ്പ് നേ​ടി​യ രാ​ജ്യം, ​ലോ​ക​ക​പ്പി​ൽ ആ​ദ്യ​മാ​യി യോ​ഗ്യ​ത നേ​ടി​യ രാ​ജ്യം, ഒ​ളി​മ്പി​ക്സി​ൽ ആ​ദ്യ​മാ​യി യോ​ഗ്യ​ത നേ​ടി​യ രാ​ജ്യം, ഗ​ൾ​ഫ് ക​പ്പ് നേ​ടു​ന്ന ആ​ദ്യ രാ​ജ്യം, ഏ​ഷ്യാ​ഡി​ൽ ആ​ദ്യ​മാ​യി മെ​ഡ​ൽ നേ​ടി​യ രാ​ജ്യം, പ​ശ്ചി​മേ​ഷ്യ ക​പ്പ് നേ​ടി​യ ആ​ദ്യ രാ​ജ്യം, സാ​ഫ് ക​പ്പി​ൽ ഫൈ​ന​ൽ യോ​ഗ്യ​ത നേ​ടി​യ ആ​ദ്യ രാ​ജ്യം എ​ന്നി​ങ്ങ​നെ കു​വൈ​ത്ത് അ​റ​ബ് മേ​ഖ​ല​യി​ൽ മു​ന്നി​ലാ​ണ്. സാ​ഫ് ക​പ്പ് കി​രീ​ട​നേ​ട്ട​ത്തോ​ടെ അ​തി​ൽ ഒ​രു പൊ​ൻ​തൂ​വ​ൽ കൂ​ടി ചേ​ർ​ക്കാ​നു​ള്ള ശ്ര​മ​ത്തി​ലാ​ണ് രാ​ജ്യ​ത്തെ ഫു​ട്ബാ​ൾ പ്ര​തി​ഭ​ക​ൾ.

ചൊ​വ്വാ​ഴ്ച ഇ​ന്ത്യ​യു​മാ​യാ​ണ് കു​വൈ​ത്തി​ന്റെ ഫൈ​ന​ൽ മ​ത്സ​രം. ഗ്രൂ​പ് ഘ​ട്ട മ​ത്സ​ര​ത്തി​ൽ ഇ​ന്ത്യ​യെ 1-1ന് ​സ​മ​നി​ല​യി​ൽ ത​ള​ച്ച​തി​ന്റെ ആ​ത്മ​വി​ശ്വാ​സം കു​വൈ​ത്തി​നു​ണ്ട്.

എ​ന്നാ​ൽ, അ​വ​സാ​ന നി​മി​ഷ​ത്തി​ൽ സെ​ൽ​ഫ് ഗോ​ളാ​ണ് കു​വൈ​ത്തി​ന് സ​മ​നി​ല സ​മ്മാ​നി​ച്ച​ത്. ഇ​ന്ത്യ ശ​ക്ത​മാ​യ ടീ​മാ​ണെ​ന്ന​തി​നാ​ൽ ഫൈ​ന​ലി​ൽ കു​വൈ​ത്തി​ന് മി​ക​ച്ച ക​ളി പു​റ​ത്തെ​ടു​ക്കേ​ണ്ടി​വ​രും. അ​തേ​സ​മ​യം, താ​പ​നി​ല​യും കാ​ലാ​വ​സ്ഥ​യും കാ​ര​ണം ബം​ഗ്ലാ​ദേ​ശ് മ​ത്സ​ര​ത്തി​നു​ള്ള സ​മ​യം അ​നു​യോ​ജ്യ​മ​ല്ലാ​ത്ത​തി​നാ​ൽ മ​ത്സ​ര​ത്തി​ൽ വ​ള​രെ​യ​ധി​കം ക​ഷ്ട​പ്പെ​ട്ട​താ​യി കു​വൈ​ത്ത് ദേ​ശീ​യ ടീം ​പ​രി​ശീ​ല​ക​ൻ റോ​യ് പി​ന്റോ പ​റ​ഞ്ഞു. ഫൈ​ന​ലി​ൽ മി​ക​ച്ച പ്ര​ക​ട​നം പു​റ​ത്തെ​ടു​ക്കു​മെ​ന്നും ആ​ത്മ​വി​ശ്വാ​സം പ്ര​ക​ടി​പ്പി​ച്ചു.

അ​തി​നി​ടെ, പു​തി​യ ഫി​ഫ റാ​ങ്കി​ൽ കു​വൈ​ത്ത് ടീം ​ര​ണ്ട് സ്ഥാ​ന​ങ്ങ​ൾ മെ​ച്ച​പ്പെ​ടു​ത്തി 143ൽ​നി​ന്ന് 141ൽ ​എ​ത്തി. സാ​ഫ് ക​പ്പി​ലെ പ്ര​ക​ട​ന​ങ്ങ​ൾ ക​ണ​ക്കി​ലെ​ടു​ക്കാ​തെ​യാ​ണി​ത്.