സ്ത്രീ പ്രവേശനത്തിൽ ഉത്തരമില്ല; വാര്‍ത്താ സമ്മേളനത്തില്‍ നിന്നും ബി.ജെ.പി വക്താവ് ഇറങ്ങിപ്പോയി

ഫർവാനിയ (കുവൈറ്റ് സിറ്റി): ശ​ബ​രി​മ​ല സ്ത്രീ പ്രവേശന വി​ഷ​യ​ത്തെ കു​റി​ച്ചു​ള്ള മാ​ധ്യ​മ​പ്ര​വ​ർ​ത്ത​ക​രു​ടെ ചോ​ദ്യ​ത്തി​ൽ പ്ര​കോ​പി​ത​യാ​യ ബി.ജെ.പി വ​ക്​​താ​വ് മീ​നാ​ക്ഷി ലേ​ഖി എം.​പി വാ​ർ​ത്താ​ സ​മ്മേ​ള​ന​ത്തി​ൽ ​നി​ന്ന്​ ഇ​റ​ങ്ങി​പ്പോ​യി. കുവൈത്തിൽ ബി.ജെ.പി പോഷക സംഘടനയായ ഭാ​ര​തീ​യ പ്ര​വാ​സി പ​രി​ഷ​ത്ത്​​ വാ​ർ​ഷി​ക പ​രി​പാ​ടി​യി​ൽ അ​തി​ഥി​യാ​യി എ​ത്തി​യപ്പോൾ നടത്തിയ ചേർത്ത വാർത്താസമ്മേളനത്തിനിടെയാണ് സംഭവം അരങ്ങേറിയത്.

ശബരിമല സ്ത്രീ പ്രവേശന വിഷയത്തിൽ വനിതാ നേതാവ് എന്ന നിലയിലുള്ള അഭിപ്രായമെന്തെന്ന ചോദ്യത്തിന് സുപ്രീംകോടതി ജഡ്ജി ഇന്ദു മൽഹോത്രയുടെ നിലപാടാണുള്ളതെന്നാണ് മീ​നാ​ക്ഷി ലേ​ഖി മറുപടി നൽകിയത്. ബി.ജെ.പി വക്താവ് എന്ന നിലയിൽ പാർട്ടിയുടെ ഔദ്യോഗിക നിലപാട് എന്താണെന്ന ചോദ്യമാണ് മീനാക്ഷി ലേഖിയെ ചൊടിപ്പിച്ചത്. ഇതേതുടർന്ന് ബി.​ജെ.​പി സം​സ്ഥാ​ന അ​ധ്യ​ക്ഷ​ൻ പി.​എ​സ്. ശ്രീ​ധ​ര​ൻ പി​ള്ളയും ക​ർ​ണാ​ട​ക എം.​എ​ൽ.​എ വേ​ദ​വ്യാ​സ ക​മ്മ​ത്തും ഉള്ളപ്പോഴാണ് ലേഖി ഇ​റ​ങ്ങി​പ്പോ​യത്. വാർത്താസമ്മേളനം അവസാനിച്ചോ എന്ന മാധ്യമപ്രവർത്തകരുടെ ചോദ്യത്തിന് ഇല്ലെന്ന മറുപടിയുമായി ശ്രീധരൻ പിള്ള ചോദ്യങ്ങൾക്ക് മറുപടി നൽകി.

ആ​രും ആ​വ​ശ്യ​പ്പെ​ടാ​തെ​യാ​ണ്​ ആ​യി​ര​ക്ക​ണ​ക്കി​ന്​ സ്​​ത്രീ​ക​ൾ സ​മ​ര​രം​ഗ​ത്തെ​ത്തി​യ​ത്. വി​ഷ​യ​ത്തി​ൽ ബി.​ജെ.​പി​യി​ൽ ആ​ശ​യ​ക്കു​ഴ​പ്പ​മി​ല്ല. എ​ല്ലാ വി​ഷ​യ​ങ്ങ​ളി​ലു​മെ​ന്ന പോ​ലെ വ്യ​ത്യ​സ്​​ത അ​ഭി​പ്രാ​യ​ങ്ങ​ൾ വെ​ച്ചു​പു​ല​ർ​ത്താ​നു​ള്ള അ​വ​കാ​ശം എ​ല്ലാ​വ​ർ​ക്കു​മു​ണ്ട്. ഹി​ന്ദു സം​ഘ​ട​ന നേ​താ​ക്ക​ളു​മാ​യി താ​ൻ ക​ഴി​ഞ്ഞ​ദി​വ​സം സം​സാ​രി​ച്ചു. അ​വ​ർ ന​ൽ​കു​ന്ന റി​വ്യൂ പെ​റ്റീ​ഷ​നെ പി​ന്തു​ണ​ക്കു​മെ​ന്നും ശ്രീ​ധ​ര​ൻ പി​ള്ള കൂ​ട്ടി​ച്ചേ​ർ​ത്തു.