കുവൈത്ത് സിറ്റി: യു.എസിൽ നടക്കുന്ന റോബോട്ടിക്സ് ലോക ചാമ്പ്യൻഷിപ്പിൽ കുവൈത്ത് വിദ്യാർഥികൾ പങ്കെടുക്കും. ഹൈസ്കൂൾ വിദ്യാർഥികളുടെ മൂന്ന് ടീമുകളും ഒരു മിഡിൽ സ്കൂൾ ടീമുമാണ് കുവൈത്തിനെ പ്രതിനിധീകരിച്ച് പങ്കെടുക്കുകയെന്ന് വിദ്യാഭ്യാസ മന്ത്രാലയം അറിയിച്ചു. കുവൈത്ത് നാഷനൽ റോബോട്ടിക്സ് മത്സരത്തില് മികച്ച പ്രകടനം കാഴ്ചവെച്ച ടീമുകളാണ് ലോക ചാമ്പ്യൻഷിപ്പിന് യോഗ്യത നേടിയത്.
ഏപ്രിൽ 25 മുതൽ മേയ് മൂന്നു വരെ ടെക്സസിലെ ഡാളസിലാണ് ചാമ്പ്യൻഷിപ്. ബോട്സ കോംബാട്, റോബോ റൈസ്, ഡ്രോണ് റൈസിങ്, ഇന്നോവേഷന് തുടങ്ങി നിരവധി വിഭാഗങ്ങളിലായി ചാമ്പ്യന്ഷിപ്പില് മത്സരങ്ങളുണ്ടാകും. 40 രാജ്യങ്ങളിൽ നിന്നായി 1,800 ടീമുകൾ ലോക ചാമ്പ്യൻഷിപ്പിൽ പങ്കെടുക്കും. അന്താരാഷ്ട്ര മത്സരങ്ങളിലെ കുവൈത്തി വിദ്യാര്ഥികളുടെ സാന്നിധ്യം രാജ്യത്ത് റോബോട്ടിക്സ്, ആര്ട്ടിഫിഷല് ഇന്റലിജന്സ് രംഗത്ത് കൂടുതല് പേരെ ആകര്ഷിക്കാന് കഴിയുമെന്നാണ് പ്രതീക്ഷ.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.