കെ.എം.സി.സി കുന്ദമംഗലം മണ്ഡലം കമ്മിറ്റിയുടെ സ്വീകരണത്തിൽ അഡ്വ. ഷമീർ കുന്ദമംഗലം സംസാരിക്കുന്നു
കുവൈത്ത് സിറ്റി: കുവൈത്തിലെത്തിയ ചാരിറ്റി-സന്നദ്ധ ജീവകാരുണ്യ പ്രവർത്തകൻ അഡ്വ. ഷമീർ കുന്ദമംഗലത്തിന് കുവൈത്ത് കെ.എം.സി.സി കുന്ദമംഗലം മണ്ഡലം കമ്മിറ്റി സ്വീകരണം നൽകി. അബ്ബാസിയ കെ.എം.സി.സി ഓഫിസിൽ നടന്ന പരിപാടിയിൽ മണ്ഡലം ഉപാധ്യക്ഷൻ ഷറഫു ചിറ്റാരിപ്പിലാക്കൽ അധ്യക്ഷത വഹിച്ചു. കുവൈത്ത് കെ.എം.സി.സി സംസ്ഥാന കമ്മിറ്റി പ്രസിഡന്റ് ഷറഫുദ്ദീൻ കണ്ണേത്ത് ഉദ്ഘാടനം ചെയ്തു.
സംസ്ഥാന ജനറൽ സെക്രട്ടറി എം.കെ. അബ്ദുറസാഖ്, ഉപദേശക സമിതി വൈസ് ചെയർമാൻ കെ.ടി.പി. അബ്ദുറഹിമാൻ, വൈസ് പ്രസിഡന്റുമാരായ മുഹമ്മദ് അസ്ലം കുറ്റിക്കാട്ടൂർ, എൻ.കെ. ഖാലിദ് ഹാജി, കോഴിക്കോട് ജില്ല പ്രസിഡന്റ് ഫാസിൽ കൊല്ലം, ഫൈസൽ കടമേരി, അജ്മൽ വേങ്ങര, ഷാഫി കൊല്ലം അറഫാത്ത് തുടങ്ങിയവർ ആശംസകൾ അർപ്പിച്ചു.
മുഹമ്മദ് അസ്ലം കുറ്റിക്കാട്ടൂർ ഷമീറിന് മൊമന്റോ നൽകി. ഷറഫു ചിറ്റാരിപ്പിലാക്കൽ ഷാളണിയിച്ചു. സാമിൽ അബ്ദുല്ല മാവിലായ് ഖുർആൻ പാരായണം നടത്തി. സലാം തറോൽ സ്വാഗതവും രിഫാദ് കുറ്റിക്കാട്ടൂർ നന്ദിയും പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.