റ​മ​ദാ​ൻ: പി​രി​വി​ന് അ​നു​മ​തി​യു​ള്ള​വ​രു​ടെ ര​ജി​സ്ട്രേ​ഷ​ൻ ആ​രം​ഭി​ച്ചു

കു​വൈ​ത്ത് സി​റ്റി: സാ​മൂ​ഹി​ക​ക്ഷേ​മ മ​ന്ത്രാ​ല​യം റ​മ​ദാ​നി​ൽ ജീ​വ​കാ​രു​ണ്യ പ്ര​വ​ർ​ത്ത​ന​ങ്ങ​ൾ​ക്ക് സം​ഭാ​വ​ന സ്വീ​ക​രി​ക്കാ​ൻ അ​നു​മ​തി ന​ൽ​കി​യ സം​ഘ​ട​ന പ്ര​തി​നി​ധി​ക​ളു​ടെ ര​ജി​സ്​​ട്രേ​ഷ​ൻ ആ​രം​ഭി​ച്ചു. ക്രി​മി​ന​ൽ റെ​ക്കോ​ഡ് പ​രി​ശോ​ധി​ച്ചാ​ണ് തി​രി​ച്ച​റി​യ​ൽ കാ​ർ​ഡ് ന​ൽ​കു​ന്ന​ത്. ഇ​വ​ർ​ക്ക് മാ​ത്ര​മെ പ​ള്ളി​ക​ളി​ലും പൊ​തു ഇ​ട​ങ്ങ​ളി​ലും നി​ബ​ന്ധ​ന​ക​ൾ​ക്ക് വി​ധേ​യ​മാ​യി പി​രി​വ് ന​ട​ത്താ​ൻ അ​നു​മ​തി​യു​ള്ളൂ.

ഓ​രോ സ​ന്ന​ദ്ധ സം​ഘ​ട​ന​ക​ൾ​ക്കും ബ്രാ​ഞ്ചു​ക​ളു​ടെ എ​ണ്ണ​വും എ​ത്തി​ച്ചേ​രാ​നു​ള്ള ക​ഴി​വും അ​നു​സ​രി​ച്ചാ​ണ് പ്ര​തി​നി​ധി​ക​ളു​ടെ എ​ണ്ണം നി​ശ്ച​യി​ച്ചു​ന​ൽ​കി​യ​ത്. ബി​ദൂ​നി​ക​ളെ പ്ര​തി​നി​ധി​യാ​യി നി​ശ്ച​യി​ക്കാ​ൻ സം​ഘ​ട​ന​ക​ൾ​ക്ക് അ​നു​വാ​ദ​മു​ണ്ട്. മാ​ർ​ഗ​നി​ർ​ദേ​ശ​ങ്ങ​ൾ ലം​ഘി​ച്ചാ​ൽ അ​നു​മ​തി റ​ദ്ദാ​ക്കു​മെ​ന്ന് മ​ന്ത്രാ​ല​യം വ്യ​ക്ത​മാ​ക്കി. കെ.​നെ​റ്റ് വ​ഴി​യോ മ​റ്റ് ഓ​ൺ​ലൈ​ൻ മ​ണി ട്രാ​ൻ​സ്​​ഫ​ർ രീ​തി​ക​ളി​ലൂ​ടെ​യോ ബാ​ങ്ക് ഇ​ട​പാ​ട് വ​ഴി​യോ മാ​ത്ര​മെ പ​ണം സ്വീ​ക​രി​ക്കാ​ൻ പാ​ടു​ള്ളൂ. അം​ഗീ​കൃ​ത വ​ള​ന്റി​യ​ർ​മാ​രും നേ​രി​ട്ട് പ​ണ​മാ​യി സ്വീ​ക​രി​ക്ക​രു​ത്. ഏ​തൊ​ക്കെ സ്ഥ​ല​ത്ത് കി​യോ​സ്ക് സ്ഥാ​പി​ച്ച് പ​ണം സ്വീ​ക​രി​ക്കാ​മെ​ന്ന​ത് സം​ബ​ന്ധി​ച്ച് അം​ഗീ​കൃ​ത സം​ഘ​ട​ന​ക​ൾ​ക്ക് നി​ർ​ദേ​ശം ന​ൽ​കി​യി​ട്ടു​ണ്ട്.

പ​ള്ളി​ക​ളി​ലും മ​റ്റും ധ​ന​സ​മാ​ഹ​ര​ണ​ത്തി​ലേ​ർ​പ്പെ​ടു​മ്പോ​ൾ മ​ന്ത്രാ​ല​യം ന​ൽ​കി​യ പ്ര​ത്യേ​ക കാ​ർ​ഡ് ക​ഴു​ത്തി​ൽ തൂ​ക്കി​യി​ട​ണം. അ​നു​മ​തി നേ​ടാ​തെ ഷോ​പ്പി​ങ്​ കോം​പ്ല​ക്സു​ക​ൾ പോ​ലു​ള്ള പൊ​തു സ്ഥ​ല​ങ്ങ​ളി​ൽ ധ​ന​സ​മാ​ഹ​ര​ണം ന​ട​ത്താ​ൻ പാ​ടി​ല്ല. ആ​രാ​ധ​ന​ക​ൾ​ക്ക് ത​ട​സ്സ​മു​ണ്ടാ​കു​ന്ന ത​ര​ത്തി​ൽ പ​ള്ളി ചു​മ​രു​ക​ളി​ലും മ​റ്റും സ്ഥി​ര​മാ​യി ബാ​ന​റു​ക​ൾ സ്ഥാ​പി​ക്കാ​ൻ പാ​ടി​ല്ല. റ​മ​ദാ​ൻ ക​ഴി​ഞ്ഞ ഉ​ട​ൻ സം​ഘ​ട​ന​ക​ൾ ധ​ന​സ​മാ​ഹ​ര​ണം സം​ബ​ന്ധി​ച്ച കൃ​ത്യ​മാ​യ വി​വ​ര​വും ഏ​തൊ​ക്കെ പ​ദ്ധ​തി​ക​ൾ​ക്ക് വേ​ണ്ടി​യാ​ണ് ചെ​ല​വ​ഴി​ച്ച​തെ​ന്ന രേ​ഖ​യും സാ​മൂ​ഹി​ക​ക്ഷേ​മ മ​ന്ത്രാ​ല​യ​ത്തി​ന് ന​ൽ​ക​ണം.