കുവൈത്ത് സിറ്റി: ഒപെക് എണ്ണവില ബാരലിന് 50 ഡോളർ കടന്നു. ബുധനാഴ്ചത്തെ വിലയിൽനിന്ന് 51 സെൻറ് വർധിച്ച് 50.24 ആണ് വ്യാഴാഴ്ച രേഖപ്പെടുത്തിയത്. ബാരലിന് 49.73 ആയിരുന്നു ബുധനാഴ്ചത്തെ വില. 50 ഡോളർ എന്ന നിർണായക പോയൻറ് ഭേദിച്ച ആത്മവിശ്വാസത്തിൽ വിലയിൽ തുടർന്നും കുതിപ്പുണ്ടാവുമെന്നാണ് അധികൃതരുടെ പ്രതീക്ഷ. ഉൽപാദനം കുറക്കാനുള്ള തീരുമാനം ഒപെക് രാജ്യങ്ങൾ പാലിക്കുകയാണെങ്കിൽ വർഷാവസാനത്തോടെ പെേട്രാൾ വില ബാരലിന് 58 ഡോളറിലേക്ക് എത്തുമെന്നാണ് കണക്കുകൂട്ടൽ. അതിനിടെ, കുവൈത്ത് എണ്ണവില 52 സെൻറ് വർധിച്ച് 49.15 ഡോളറിലെത്തിയതായി കുവൈത്ത് പെട്രോളിയം കോർപറേഷൻ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.