കുവൈത്ത് സിറ്റി: ഒ.ഐ.സി.സി കുവൈത്ത് ഏർപ്പെടുത്തിയ മികച്ച പൊതുപ്രവർത്തകനുള്ള രാജീവ് ഗാന്ധി പുരസ്കാരം എ.ഐ.സി.സി ജനറൽ സെക്രട്ടറിയും പബ്ലിക് അകൗണ്ട്സ് കമ്മിറ്റി ചെയർപേഴ്സനുമായ കെ.സി. വേണുഗോപാലിന് സമ്മാനിക്കുന്ന ചടങ്ങിൽ ചലച്ചിത്ര താരം നവ്യ നായർ വിശിഷ്ടാതിഥിയാവും. ചടങ്ങിൽ മുസ്ലിം ലീഗ് പ്രസിഡന്റ് പാണക്കാട് സാദിഖലി ശിഹാബ് തങ്ങൾ പുരസ്കാരം കൈമാറും.
മുൻ മന്ത്രി എ.പി. അനിൽ കുമാർ, കെ.പി.സി.സി ജനറൽ സെക്രട്ടറി അഡ്വ. അബ്ദുൽ മുത്തലിബ്, മറിയാമ്മ ഉമ്മൻ ചാണ്ടി എന്നിവരും പങ്കെടുക്കും. കലാ സന്ധ്യയും ഒരുക്കിയിട്ടുണ്ട്. പരിപാടിയുടെ വിജയത്തിനായി വിവിധ സബ് കമ്മിറ്റികൾ പ്രവർത്തിച്ചുവരുന്നതായി ഒ.ഐ.സി.സി കുവൈത്ത് പ്രസിഡന്റ് വർഗീസ് പുതുക്കുളങ്ങര, ജനറൽ സെക്രട്ടറി ബി.എസ്. പിള്ള, പബ്ലിസിറ്റി കൺവീനർ എം.എ. നിസാം എന്നിവർ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.