ഇന്ത്യൻ എംബസി ഉദ്യോഗസ്ഥർ ദേശീയ കൈത്തറി ദിനത്തിൽ
കുവൈത്ത് സിറ്റി: കുവൈത്തിലെ ഇന്ത്യൻ എംബസിയുടെ നേതൃത്വത്തിൽ ദേശീയ കൈത്തറി ദിനം കുവൈത്തിൽ വിപുലമായി ആഘോഷിച്ചു. വിവിധ ഇന്ത്യൻ ഹൈപ്പർ മാർക്കറ്റുകളുമായും ടെക്സ്റ്റൈൽ സ്റ്റോറുകളുമായും സഹകരിച്ചായിരുന്നു ആഘോഷം. സ്ഥാനപതി സിബി ജോർജ് നേതൃത്വം നൽകി.
ഇന്ത്യൻ ഹെറിറ്റേജ്, ലുലു ഹൈപ്പർമാർക്കറ്റ്, ഗ്രാൻഡ് ഹൈപ്പർ, മറ്റ് ഷോറൂമുകൾ എന്നിവിട ങ്ങളിൽ കൈത്തറി ഉൽപന്നങ്ങളുടെ പ്രദർശനം നടന്നു. ഇന്ത്യൻ ഹെറിറ്റേജിൽ ഇന്ത്യൻ കരകൗശലത്തിന്റെ തത്സമയ ശിൽപശാലയും സംഘടിപ്പിച്ചു. ഇന്ത്യൻ കൈത്തറിയുടെ സമ്പന്നമായ വൈവിധ്യത്തെയും ചരിത്രത്തെയും കുറിച്ചുള്ള തത്സമയ അവതരണവും ഇന്ത്യയുടെ വിവിധ ഭാഗങ്ങളിൽ നിന്നുള്ള കൈത്തറിയെക്കുറിച്ചുള്ള വിഡിയോ പ്രദർശനവും നടന്നു. ഇന്ത്യയുടെ സാംസ്കാരിക സമ്പന്നതയെയും വൈവിധ്യത്തെയും പ്രതിഫലിപ്പിക്കുന്നതായി ഇവ. #MyHandloomMyPride എന്ന ഹാഷ് ടാഗോടെ കുവൈത്തിലെ വിവിധ സോഷ്യൽ മീഡിയ ഹാൻഡിലുകളിലും ആഘോഷം നടന്നു.
ഗ്രാൻഡ് ഹൈപ്പർമാർക്കറ്റിൽ സംഘടിപ്പിച്ച കൈത്തറി ഉൽപന്നങ്ങളുടെ പ്രദർശനം
കുവൈത്തിലെ പ്രമുഖ റീറ്റെയ്ൽ ശൃംഖല ആയ ഗ്രാൻഡ് ഹൈപ്പറിന്റെ അൽ റായ് ശാഖയിൽ നടന്ന പ്രത്യേക ചടങ്ങിൽ ഗ്രാൻഡ് ഹൈപ്പർ മാനേജ്മന്റ് പ്രധിനികളായ റാഹിൽ ബാസ്സി൦ , കുബേര റാവു എന്നിവർക്കൊപ്പം ഇന്ത്യൻ എംബസി ഫസ്റ്റ് സെക്രട്ടറി (Pol&Com) ഡോ.വിനോദ് ഗെയ്ക്വാദ് ,സെക്കൻഡ് സെക്രട്ടറി (Com & Edu) അഞ്ചിത കെത്വസ് തുടങ്ങിയവരും മറ്റ് ഗ്രാൻഡ് ഹൈപ്പറിന്റെയും ഇന്ത്യൻ എംബസിയുടെയും ജീവനക്കാരും ചടങ്ങിൽ പങ്കെടുത്തു.
ലുലു ഹൈപ്പറിലെ പ്രദർശനത്തിൽ നിന്ന്
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.