കുവൈത്ത് സിറ്റി: പ്രമുഖ ജ്വല്ലറി റീട്ടെയില് ബ്രാന്ഡായ മലബാര് ഗോള്ഡ് ആൻഡ് ഡയമണ്ട്സ് റമദാന് മാസത്തില് ജീവകാരുണ്യപ്രവർത്തനങ്ങൾ സജീവമാക്കും. ഇഫ്താര് ഭക്ഷണക്കിറ്റുകൾ വിതരണം ചെയ്യുന്നതിനായി ഗ്രൂപ് 1,90,000 ദീനാർ നീക്കിവെച്ചു. 13 രാജ്യങ്ങളില് വര്ഷം മുഴുവനും നടത്തുന്ന ഇ.എസ്.ജി ഉദ്യമങ്ങള്ക്ക് പുറമേയാണ് ഇത്. റമദാനിൽ കുടുംബങ്ങള്ക്കും വ്യക്തികള്ക്കും ഇഫ്താര് ഭക്ഷണവും കിറ്റുകളും വിതരണം ചെയ്യും.
ഇതിനായി എംബസികള്, അതോറിറ്റികള്, എന്.ജി.ഒകള്, സംഘടനകള് എന്നിവയുമായി സഹകരിക്കും. യു.എ.ഇ, സൗദി അറേബ്യ, ബഹ്റൈന്, ഖത്തര്, ഒമാന്, കുവൈത്ത്, മലേഷ്യ, സിംഗപ്പൂര്, യു.എസ്.എ, യു.കെ, കാനഡ, ആസ്ട്രേലിയ എന്നിവിടങ്ങളിലായി ഈ വര്ഷം 180,000 ലധികം ഇഫ്താര് കിറ്റുകള് വിതരണം ചെയ്യും.
കുവൈത്തില് അബ്ബാസിയ, ഫഹാഹീല്, ഫര്വാനിയ, ഹവല്ലി, ജഹ്റ, ഖൈത്താന്, മഹ്ബൂല, മംഗഫ്, റിഗ്ഗെ, സാല്മിയ, വഫ്റ ഫാം, അബ്ദലി ഡെസേര്ട്ട് എന്നിവിടങ്ങളിൽ ഇഫ്താര് കിറ്റ് വിതരണം ചെയ്യും.
ഇസ്ലാമിക് കള്ച്ചറല് ഫൗണ്ടേഷന്, ഇന്ത്യ ഇസ്ലാഹി സെന്റര്, ഇസ്ലാമിക് ഗൈഡന്സ് സെന്റര്, കുവൈത്ത് കേരള മുസ്ലിം അസോസിയേഷന്, കുവൈത്ത് കേരള കള്ച്ചറല് സെന്റര്, വെല്ഫെയര് കേരള അസോസിയേഷന്, യൂത്ത് ഇന്ത്യ കുവൈത്ത് എന്നിവയുടെ സഹകരണത്തോടെയാണ് കുവൈത്തിൽ ഭക്ഷണവിതരണം.
സാമൂഹിക ക്ഷേമ ഉദ്യമങ്ങള് മലബാര് ഗ്രൂപ്പിന്റെ പ്രധാന ലക്ഷ്യമാണെന്നും ഇത് ഓരോ വര്ഷവും കൂടുതല് സജീവമായി തുടരുന്നതായും മലബാര് ഗ്രൂപ് ചെയര്മാന് എം.പി. അഹമ്മദ് പറഞ്ഞു. ക്ഷേമപ്രവര്ത്തനങ്ങള്ക്ക് സ്ഥാപനത്തിലെ മുഴുവന് ടീമിന്റെയും സജീവമായ പങ്കാളിത്തമുണ്ടെന്ന് മലബാര് ഗ്രൂപ് വൈസ് ചെയര്മാന് കെ.പി. അബ്ദുല് സലാം പറഞ്ഞു.
എല്ലാവരുടെയും വളര്ച്ച ഉറപ്പാക്കുക എന്ന നയത്തിന്റെ ഭാഗമായാണ് സാമൂഹിക ശാക്തീകരണ ഉദ്യമങ്ങള് മുന്നോട്ടുപോകുന്നതെന്ന് മലബാര് ഗോള്ഡ് ആൻഡ് ഡയമണ്ട്സ് ഇന്റര്നാഷനല് ഓപറേഷന്സ് മാനേജിങ് ഡയറക്ടര് ഷംലാല് അഹമ്മദ് പറഞ്ഞു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.