കുവൈത്ത് സിറ്റി: റോഹിങ്ക്യൻ അഭയാർഥികൾക്ക് സഹായവസ്തുക്കളുമായി പോയ കുവൈത്തി സന്നദ്ധസേവകരുടെ വിമാനം ബംഗ്ലാദേശിൽ അപകടത്തിൽ പെട്ടു. ബംഗ്ലാദേശി ആഭ്യന്തര വിമാനക്കമ്പനിയായ യു.എസ് ബംഗ്ലാ എയർലൈൻസിെൻറ യാത്രാവിമാനമാണ് അപകടത്തിൽ പെട്ടത്. ചക്രത്തിന് സാേങ്കതിക പ്രശ്നം ശ്രദ്ധയിൽപെട്ടതോടെ ചിറ്റഗോങ്ങിലെ ഷാ അമാനത്ത് അന്താരാഷ്ട്ര വിമാനത്താവളത്തിൽ അടിയന്തര ലാൻഡിങ് നടത്തുകയായിരുന്നു.
64 യാത്രക്കാരും ഏഴു ജീവനക്കാരുമാണ് വിമാനത്തിൽ ഉണ്ടായിരുന്നത്. ‘തറാഹും’ എന്ന സന്നദ്ധ സേവന സംഘം ബംഗ്ലാദേശ് തലസ്ഥാനമായ ധാക്കയിൽനിന്ന് കോക്സ് ബസാറിലേക്ക് പോവുകയായിരുന്നു. ഇവിടത്തെ അഭയാർഥി ക്യാമ്പിലുള്ളവർക്ക് സഹായവസ്തുക്കളുമായി പോയതായിരുന്നു സംഘം. ആർക്കും പരിക്കേറ്റിട്ടില്ലെന്നും എല്ലാവരും സുരക്ഷിതരാണെന്നും ബംഗ്ലാദേശിലെ കുവൈത്ത് എംബസി വാർത്താകുറിപ്പിൽ അറിയിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.