കുവൈത്ത് സിറ്റി: ആറ് ആഴ്ചകളിലായി കുവൈത്തിലെ വിവിധ ജില്ല അസോസിയേഷനുകളുമായി സഹകരിച്ച് നടത്തിവരുന്ന കെഫാക് അന്തർജില്ല ഫുട്ബാൾ മത്സരത്തിൽ കെ.ഡി.എന്.എ കോഴിക്കോട്, ട്രാസ്ക് തൃശൂർ ജില്ലാ ടീമുകൾ സെമിയിൽ കടന്നു.
കഴിഞ്ഞദിവസം സബാഹിയ പബ്ലിക് അതോറിറ്റി ഗ്രൗണ്ടിൽ നടന്ന ആദ്യ മത്സരത്തിൽ കഴിഞ്ഞ സീസണിലെ രണ്ടാം സ്ഥാനക്കാരായ ഫോക് കണ്ണൂരിനെ ഏകപക്ഷീയമായ ഒരു ഗോളിന് കീഴടക്കിയാണ് തൃശൂർ സെമിയിലെത്തിയത്. രണ്ടാം പകുതിയിൽ ശഫീഖ് നേടിയ ഗോളിലാണ് പൊരുതിക്കളിച്ച കണ്ണൂരിനെ തൃശൂർ പരാജയപ്പെടുത്തിയത്. വാശിയേറിയ രണ്ടാം മത്സരത്തിൽ നിലവിലെ ചാമ്പ്യന്മാരായ ഫ്രണ്ട് ലൈൻ മലപ്പുറത്തെയാണ് ഏകപക്ഷീയമായ രണ്ടുഗോളുകൾക്കു കെ.ഡി.എൻ.എ കോഴിക്കോട് പരാജയപ്പെടുത്തിയത്. കോഴിക്കോടിന് വേണ്ടി ശ്യാം, ജാരിസ് എന്നിവർ ഗോളുകൾ നേടി. ഗ്രൂപ് ബിയില് നടന്ന മറ്റു മത്സരങ്ങളില് പൊരുതിക്കളിച്ച കാസർകോടിനെ രണ്ടിനെതിരെ നാലു ഗോളുകൾക്ക് പൽപക് പാലക്കാട് പരാജയപ്പെടുത്തി. പാലക്കാടിന് വേണ്ടി ജിനീഷ് രണ്ടു ഗോളും, ജാസിം, ശരത് എന്നിവർ ഓരോ ഗോളും നേടി.
കാസർകോടിന് വേണ്ടി അനീഷ്, റഹീം എന്നിവർ ആശ്വാസ ഗോളുകള് നേടി. അവസാന മത്സരത്തിൽ ഇ.ഡി.എഫ്.എഫ്.എ എറണാകുളവും - തിരുവനന്തപുരവും തമ്മിലുള്ള മത്സരം ഗോൾരഹിത സമനിലയിൽ പിരിഞ്ഞു. മത്സരങ്ങളിൽ മാൻ ഓഫ് ദി മാച്ചായി ശ്യാം (കോഴിക്കോട്), റംഷീദ് (തൃശൂർ), ജിനീഷ് (പാലക്കാട്), ഹരി (എറണാകുളം) എന്നിവരെ െതരഞ്ഞെടുത്തു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.