കുവൈത്ത് സിറ്റി: കുവൈത്തിൽ ഇതാദ്യമായി വിദേശ പൗരന് കോവിഡ്-19 സ്ഥിരീകരിച്ചു. കാര്യ സന ്ദർശനത്തിന് അസർബൈജാനിൽനിന്ന് യു.എ.ഇ വഴി കുവൈത്തിലേക്ക് വന്ന ഇൗജിപ്ത് പൗരനാ ണ് രോഗം സ്ഥിരീകരിച്ചത്. ആരോഗ്യ മന്ത്രാലയം വക്താവ് ഡോ. അബ്ദുല്ല അൽ സനദ് അറിയിച്ചതാണ് ഇക്കാര്യം. ഇതടക്കം രാജ്യത്ത് കോവിഡ്-19 ബാധിതരുടെ എണ്ണം 64 ആയി. ഞായറാഴ്ച മൂന്ന് പുതിയ കേസുകൾ സ്ഥിരീകരിച്ചു. ഞായറാഴ്ച പുലർച്ച ഒന്നും ഉച്ചക്കുശേഷം രണ്ട് കേസുകളുമാണ് സ്ഥിരീകരിച്ചതെന്ന് ആരോഗ്യ മന്ത്രാലയം അറിയിച്ചു.
കുവൈത്തിൽ ഇതുവരെ കൊറോണ വൈറസ് സ്ഥിരീകരിച്ചവരെയെല്ലാം ഇറാനിൽനിന്ന് കൊണ്ടുവന്ന് ഖൈറാനിലെ ക്യാമ്പിൽ പാർപ്പിച്ചവരായിരുന്നു. ഇറാനിൽനിന്നല്ലാത്ത മറ്റൊരു രാജ്യത്തുനിന്നും എത്തിയ ഒരാൾക്ക് വൈറസ് ബാധ റിപ്പോർട്ട് ചെയ്യപ്പെടുന്നത് ആദ്യമായാണ്. കൊറോണ വൈറസ് ബാധിത പ്രദേശത്തേക്ക് യാത്ര ചെയ്തതിനാൽ ഇൗജിപ്തുകാരനെ ആരോഗ്യ മന്ത്രാലയത്തിലെ എമർജൻസി വിഭാഗം പരിശോധിക്കുകയും നിരീക്ഷണത്തിൽ സൂക്ഷിക്കുകയുമായിരുന്നു. നിരീക്ഷണ കാലത്തിൽ രോഗലക്ഷണം കണ്ടെത്തുകയായിരുന്നു. ഇയാളെ ആശുപത്രിയിലേക്ക് മാറ്റി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.