കുവൈത്ത് സിറ്റി: കുവൈത്തിൽ ചൊവ്വാഴ്ച പുതിയ കോവിഡ് റിപ്പോർട്ട് ചെയ്തില്ല. ഇപ്പ ോൾ 56 പേരാണ് കൊറോണ വൈറസ് ബാധിച്ച് രാജ്യത്ത് പ്രത്യേക പരിചരണത്തിൽ ക്യാമ്പിൽ കഴി യുന്നത്. അതിനിടെ കോവിഡ് സംശയിച്ച സ്വദേശിയായ വിമാനത്താവള ജീവനക്കാരിക്ക് വൈറസ് ബാധയില്ലെന്ന് വ്യക്തമായി. വൈറസ് ബാധിതരെ പാർപ്പിച്ച ഖൈറാനിലെ ക്യാമ്പിൽ വിവിധ മന്ത്രാലയങ്ങളിലെ പ്രതിനിധികൾ ഉൾപ്പെടുന്ന പ്രത്യേക സംഘം സേവനം ചെയ്യുന്നു.
തിങ്കളാഴ്ച രാജ്യത്ത് 10 പേർക്ക് കൂടി കോവിഡ് സ്ഥിരീകരിച്ചിരുന്നു. 10 പേർക്ക് ഒറ്റ ദിവസം വൈറസ് റിപ്പോർട്ട് ചെയ്തതോടെ ഉയർന്ന ആശങ്ക ചൊവ്വാഴ്ച പുതിയ ഒരു കേസും ഇല്ലാതായതോടെ അൽപം അയഞ്ഞിട്ടുണ്ട്. ക്യാമ്പുകളിൽ കഴിയുന്നവർ ആരും ഗുരുതരാവസ്ഥയിലല്ലെന്നും അധികൃതർ വ്യക്തമാക്കിയിട്ടുണ്ട്. മികച്ച സൗകര്യങ്ങളോടെയും പരിചരണത്തോടെയുമാണ് നിരീക്ഷണത്തിൽ കഴിയുന്നവരെ പാർപ്പിച്ചിട്ടുള്ളത്.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.